ଜେଲରୁ ମୁକୁଳିବା ପରେ ସୋନମ ଓ୍ୱାଙ୍ଗଚୁକ ପୁଣି ଅଟକ। ପରିବେଶବିତ୍ ସୋନମ ୱାଙ୍ଗଚୁକ୍ ଏବଂ ୧୫୦ ଲଦାଖବାସୀଙ୍କୁ ମଙ୍ଗଳବାର ରାତିରେ ଦିଲ୍ଲୀ ପୁଲିସ ମୁକ୍ତ କରିବା ପରେ ସେମାନଙ୍କୁ ପୁଣି ଥରେ ଅଟକ ରଖିଛି। ଏହାପରେ ଥାନାରେ ଅନିର୍ଦ୍ଦିଷ୍ଟ କାଳ ପାଇଁ ଅନଶନ ଜାରି ରଖିଛନ୍ତି ସୋନମ ୱାଙ୍ଗଚୁକ୍।
ୱାଙ୍ଗଚୁକ୍ ଏବଂ ଅନ୍ୟ ଅଟକ ଲଦାଖୀମାନଙ୍କୁ ମଙ୍ଗଳବାର ରାତିରେ ମୁକ୍ତ କରାଯାଇଥିଲା କିନ୍ତୁ ସେମାନେ ଦିଲ୍ଲୀର କେନ୍ଦ୍ରୀୟ ଅଞ୍ଚଳ ଅଭିମୁଖେ ପଦଯାତ୍ରା କରିବାକୁ ଜିଦ୍ ଧରିଥିଲେ। ତେଣୁ ସେମାନଙ୍କୁ ପୁଣି ଅଟକ ରଖାଯାଇଛି ବୋଲି ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି।
Also Read
ୱାଙ୍ଗଚୁକ୍ଙ୍କୁ ଅନ୍ୟ କିଛି ଲୋକଙ୍କ ସହ ବାୱାନା ଥାନାରେ ରଖାଯାଇଥିବା ବେଳେ ଅନ୍ୟମାନଙ୍କୁ ନରେଲା ଶିଳ୍ପାଞ୍ଚଳ, ଅଲିପୁର ଓ କଂଜାୱାଲା ଥାନାରେ ରଖାଯାଇଛି।
ସୋମବାର ରାତିରେ ୱାଙ୍ଗଚୁକ୍ ଏବଂ ତାଙ୍କ ସହଯୋଗୀମାନେ ସେମାନଙ୍କ ଦାବି ପୂରଣ ପାଇଁ ଦେଶର ରାଜଧାନୀରେ ପ୍ରବେଶ କରିବାକୁ ଚେଷ୍ଟା କରୁଥିଲେ। ଦିଲ୍ଲୀ ପୁଲିସ ସେମାନଙ୍କୁ ସିଂଘୁ ସୀମାରେ ଅଟକ ରଖିଥିଲା, ଯାହା ନିଷେଧାଦେଶକୁ ଉଲ୍ଲଂଘନ କରୁଛି। ମାସେ ତଳେ ଲେହରୁ ଆରମ୍ଭ ହୋଇଥିବା 'ଦିଲ୍ଲୀ ଚଲୋ ପଦଯାତ୍ରା'ର ନେତୃତ୍ୱ ନେଉଛନ୍ତି ସୋନମ ୱାଙ୍ଗଚୁକ୍।
ଲଦାଖକୁ ରାଜ୍ୟ ମାନ୍ୟତା, ସମ୍ବିଧାନର ଷଷ୍ଠ ଅନୁସୂଚୀରେ ଅନ୍ତର୍ଭୁକ୍ତ କରିବା ଆଦି ଦାବି ରଖିଛନ୍ତି ସୋନମ ୱାଙ୍ଗଚୁକ୍। କାରଗିଲ୍ ଗଣତାନ୍ତ୍ରିକ ମେଣ୍ଟ ସହ ମିଶି ଗତ ୪ ବର୍ଷ ଧରି ଆନ୍ଦୋଳନ ଚଳାଇଥିବା ଲେହ ସର୍ବୋଚ୍ଚ ସଂସ୍ଥା ପକ୍ଷରୁ ଏହି ଗସ୍ତ ଆୟୋଜନ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
