'ମୋ ପରିବାରକୁ ସମ୍ଭାଳିବେ। ଆପଣମାନେ ମୋର ଏବଂ ମୋ ପରିବାରର ପ୍ରତ୍ୟେକ ଅସୁବିଧାରେ ମଧ୍ୟ ଯତ୍ନ ନେବେ। ଦିଲ୍ଲୀରେ ମୋ ପରିବାର ଅସମ୍ପୂର୍ଣ୍ଣ ଅଟୋ।' ଏଭଳି କିଛି ଭାବୁକ ହୋଇ ରାଏବରେଲିର ଭୋଟର୍ଙ୍କ ପାଇଁ ଚିଠି ଲେଖିଛନ୍ତି କଂଗ୍ରେସ ହାଇକମଣ୍ଡ ତଥା ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧି।
କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧି ରାଜ୍ୟସଭା ଯିବାକୁ ପ୍ରସ୍ତୁତ ଅଛନ୍ତି। ସେ ରାଜସ୍ଥାନରୁ ରାଜ୍ୟସଭା ଯାଉଛନ୍ତି। ଏଥିପାଇଁ ବୁଧାବର ସେ ନାମାଙ୍କନ ପତ୍ର ଭରିଛନ୍ତି। ଏଭଳି ସ୍ଥିତିରେ ସେ ଆଉ ଲୋକସଭା ନର୍ବାଚନ ଲଢ଼ିବେ ନାହିଁ ବୋଲି ସ୍ପଷ୍ଟ ହୋଇଯାଇଛି। ରାଏବରେଲି ସହ ତାଙ୍କର ୨୦ ବର୍ଷର ପୁରୁଣା ସମ୍ପର୍କ ଭାଙ୍ଗିବାକୁ ଯାଉଛି। ଏହାକୁ ନେଇ ସେ ଭାବୁକ ହୋଇପଡିଛନ୍ତି। ଏଥିପାଇଁ ସେ ରାଏବରେଲିର ଭୋଟର୍ଙ୍କ ପାଇଁ ଚିଠି ଲେଖିଛନ୍ତି।
Also Read
ସ୍ୱାସ୍ଥ୍ୟଗତ ସମସ୍ୟାକୁ ଦର୍ଶାଇ ସେ ଆଗାମୀ ନିର୍ବାଚନ ଲଢ଼ିବେ ନାହିଁ ବୋଲି ଆଜି ସୋନିଆ ଗାନ୍ଧି ଘୋଷଣା କରିଛନ୍ତି। ସେ କହିଛନ୍ତି, ସ୍ୱାସ୍ଥ୍ୟଗତ ସମସ୍ୟା ଏବଂ ବୟସ ବୃଦ୍ଧି ହେତୁ ମୁଁ ଆଗାମୀ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବି ନାହିଁ। ଏହି ନିଷ୍ପତ୍ତି ପରେ ମୁଁ ଆପଣଙ୍କୁ ସିଧାସଳଖ ସେବା କରିବାର ସୁଯୋଗ ପାଇବି ନାହିଁ, କିନ୍ତୁ ନିଶ୍ଚିତ ଭାବରେ ମୋର ହୃଦୟ ଏବଂ ଆତ୍ମା ସର୍ବଦା ଆପଣମାନଙ୍କ ସହିତ ରହିବ।
ସେ ଆହୁରି କହିଛନ୍ତି, ମୋ ପରିବାର ଦିଲ୍ଲୀରେ ଅସମ୍ପୂର୍ଣ୍ଣ । ରାଏବରେଲିବାସୀଙ୍କୁ ଭେଟିବା ଦ୍ୱାରା ଏହା ସମ୍ପୂର୍ଣ୍ଣ ହୁଏ। ଏହି ଘନିଷ୍ଠ ସମ୍ପର୍କ ବହୁତ ପୁରୁଣା। ମୋ ଶାଶୁ ଘରଠାରୁ ମୋତେ ଏହି ସୌଭାଗ୍ୟ ମିଳିଛି। ରାଏବରେଲି ସହ ଆମ ପରିବାରର ସମ୍ପର୍କର ବେଶ୍ ଗଭୀର। ସ୍ୱାଧୀନତା ପରେ ପ୍ରଥମ ଲୋକ ସଭା ନିର୍ବଚନରେ ଆପଣମାନେ ମୋ ଶ୍ୱଶୁରୁ ଫିରୋଜ ଗାନ୍ଧି ଜୀଙ୍କୁ ଏଠାରୁ ଜିତାଇ ଦିଲ୍ଲୀ ପଠାଇଥିଲେ। ପରେ ମୋ ଶାଶୁ ଇନ୍ଦିରା ଗାନ୍ଧି ଜୀଙ୍କୁ ଅପାଣମାନେ ନିଜର କରିଛନ୍ତି। ସେବେଠାରୁ ଆଜି ପର୍ଯ୍ୟନ୍ତ ଏହି ଧାରାବାହିକ ପ୍ରେମ ଏବଂ ଉତ୍ସାହ ସହିତ ଜୀବନର ଉତ୍ଥାନ-ପତନ ଜାରି ରହିଛି। ଏହାସହିତ ସମ୍ପର୍କ ଅଧିକ ଶକ୍ତିଶାଳୀ ହୋଇଛି।
ମୋ ଶାଶୁ ଏବଂ ମୋ ଜୀବନ ସାଥୀ(ରାଜୀବ ଗାନ୍ଧି)ଙ୍କୁ ସବୁଦିନ ପାଇଁ ହରାଇବା ପରେ, ମୁଁ ଆପଣମାନଙ୍କ ପାଖକୁ ଆସିଲି ଏବଂ ମୋତେ ମଧ୍ୟ ପ୍ରଚୁର ଭଲପାଇବା ମିଳିଛି। ଗତ ଦୁଇଟି ନିର୍ବାଚନରେ, ଆପଣ କଠିନ ପରିସ୍ଥିତିରେ ମଧ୍ୟ ପଥର ପରି ମୋ ପାଖରେ ଠିଆ ହୋଇଥିଲେ, ମୁଁ ଏହାକୁ ଭୁଲି ପାରିବି ନାହିଁ । ମୁଁ ଗର୍ବିତ ଯେ ମୁଁ ଆଜି ଯାହା ହାସଲ କରିଛି ତାହା ହେଉଛି ତୁମ କାରଣରୁ ଏବଂ ମୁଁ ସର୍ବଦା ଏହି ବିଶ୍ୱାସ ପୂରଣ କରିବାକୁ ଚେଷ୍ଟା କରିଛି।
ବର୍ତ୍ତମାନ ସ୍ୱାସ୍ଥ୍ୟ ଏବଂ ବୟସ ବୃଦ୍ଧି ହେତୁ ମୁଁ ଆସନ୍ତା ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବି ନାହିଁ। ଏହି ନିଷ୍ପତ୍ତି ପରେ ମୁଁ ତୁମକୁ ସିଧାସଳଖ ସେବା କରିବାର ସୁଯୋଗ ପାଇବି ନାହିଁ। ଯେପରି ତୁମେ ବର୍ତ୍ତମାନ ପର୍ଯ୍ୟନ୍ତ ମୋର ଯତ୍ନ ନେଉଛ, ସେହିପରି ମୁଁ ଜାଣେ ଯେ ଆପଣମାନେ ମୋର ଏବଂ ମୋ ପରିବାରର ପ୍ରତ୍ୟେକ ଅସୁବିଧାରେ ମଧ୍ୟ ଯତ୍ନ ନେବେ ଓ ସମ୍ଭାଳିବି ବୋଲି ଚିଠିରେ ଉଲ୍ଲେଖ କରିଛନ୍ତି ସୋନିଆ ଗାନ୍ଧି।
ଉଲ୍ଲେଖଯୋଗ୍ୟ, ୧୯୯୮ ମସିହାରୁ ୨୦୨୨ ମସିହା ମଧ୍ୟରେ ପ୍ରାୟ ୨୨ ବର୍ଷ ଧରି କଂଗ୍ରେସ ସଭାପତି ଥିବା ସୋନିଆ ଗାନ୍ଧୀ ପାଞ୍ଚ ଥର ଲୋକସଭାର ସାଂସଦ ହୋଇଛନ୍ତି। ଚଳିତ ବର୍ଷ ସେ ପ୍ରଥମ ଥର ପାଇଁ ରାଜ୍ୟସଭାରୁ ପ୍ରତିନିଧିତ୍ୱ କରିବେ। ତେବେ ଝିଅ ପ୍ରିୟଙ୍କା ରାଏରେଲୀରୁ ଲୋକସଭାରେ ନିର୍ବାଚନୀ ମଇଦାନକୁ ଓହ୍ଲାଇ ପାରନ୍ତି ବୋଲି କୁହାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
