ପୁଣି ଜୀବନ ନେଲା ଦାମୀ ଗାଡ଼ି। ପୋର୍ସ ପରେ ଏବେ ବିଏମ୍ଡବ୍ଲୁ ପାଳି। ବାଇକ୍କୁ ଧକ୍କା ଦେଲା ବିଏମ୍ଡବ୍ଲୁ କାର୍। ଏଥିରେ ଜଣଙ୍କ ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି। ପୁଣେ ପୋର୍ସ କାର୍ ଦୁର୍ଘଟଣା ମାମଲା ମନରୁ ଲିଭିନଥିବା ବେଳେ ପଞ୍ଜାବର ମୋହଲିଠାରେ ଘଟିଛି ଏଭଳି କିଛି ମର୍ମନ୍ତୁଦ ସଡ଼କ ଦୁର୍ଘଟଣା।
ପଞ୍ଜାବ ମୋହାଲିର ଜିରକପୁର ପଟିଆଲା ହାଇଓ୍ୱେ। ଏଠାରେ ବିଳମ୍ବିତ ରାତିରେ ଏକ ବିଏମ୍ଡବ୍ଲୁ କାର୍ ଦ୍ରୁତ ଗତିରେ ଆସି ଏକ ବାଇକ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ହିଁ ଜଣେ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି। ସେହିପରି ଦୁର୍ଘଟଣାରେ ଅନ୍ୟ ଦୁଇ ଜଣ ଗୁରୁତର ହୋଇଛନ୍ତି। ସେମାନଙ୍କୁ ଜେପି ହସ୍ପିଟାଲରେ ଭର୍ତ୍ତି କରାଯାଇଛି।
Also Read
ସେପଟେ ଏହି ଦୁର୍ଘଟଣା ପରେ ମୃତକ ଓ ଆହତଙ୍କ ପରିବାର ଲୋକ ପଟିଆଲା ଜାତୀୟ ରାଜପଥକୁ ଅବରୋଧ କରିଥିଲେ। ସେପଟେ ଦୁର୍ଘଟଣା ପରେ ଏହି ଦାମୀ କାର୍କୁ ଚଳାଉଥିବା ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି। ପୁଲିସ ଡ୍ରାଇଭରକୁ ଖୋଜିବାକୁ ଚେଷ୍ଠା ଚଳାଇଛି। ସେପଟେ ଦୁର୍ଘଟଣା ଘଟାଇଥିବା କାର୍କୁ ଜବତ କରି ପୁଲିସ ମାମଲାର ତଦନ୍ତ ଜାରି ରଖିଛି।
ବିଶେଷକରି ପୁଣେ ପୋର୍ସ କାର୍ ଘଟଣା ପରେ ନିଶାଶକ୍ତ ଅବସ୍ଥାରେ ଛୋଟ ଛୋଟ ପିଲମାନେ ଯେଉଁଭଳି ଭାବେ ଗାଡ଼ି ଚଳାଉଛନ୍ତି ତାହା ଚିନ୍ତାର କାରଣ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
