ମହାରାଷ୍ଟ୍ର ନାଗପୁରରେ ଘଟିଛି ସିରିଜ ଦୁର୍ଘଟଣା। ଏକ ୧୬ ଚକିଆ ଟ୍ରକ୍ ଧକ୍କାରେ ୧୨ଟି ଗାଡ଼ି ଭାଙ୍ଗି ଚୂରମାର ହୋଇଛି। ଏହି ଗାଡ଼ିଗୁଡ଼ିକ ମଧ୍ୟରେ ୯ଟି କାର୍ ସହ ଏକ ଆମ୍ବୁଲାନ୍ସ ଏବଂ ଦୁଇଟି ବାଇକ୍ ଥିବା ଜଣାଯାଇଛି। ଏହି ଦୁର୍ଘଟଣା ଯୋଗୁ ୧୮ ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି।
ନାଗପୁରର ମାନକପୁର ଅଞ୍ଚଳରେ ଦ୍ରୁତ ଗତିରେ ଫ୍ଲାଏ ଓଭର ଉପରୁ ଏକ ଟ୍ରକ୍ ତଳକୁ ଖସୁଥିବା ବେଳେ ଏହି ଦୁର୍ଘଟଣା ଘଟିଛି। ଟ୍ରକ୍ ଚାଳକ ମଦ୍ୟପାନ କରି ଗାଡ଼ି ଚଳାଉଥିବାରୁ ଏଭଳି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି।
ଏହି ସିରିଜ ଦୁର୍ଘଟଣାରେ ୧୨ ଗାଡ଼ି କ୍ଷତିଗ୍ରସ୍ତ ହୋଇଛି। ଦୁର୍ଘଟଣାର ଭୟାବହତା ଏପରି ଥିଲା ଯେ ଗାଡ଼ିଗୁଡ଼ିକ ରାସ୍ତା ଉପରେ ଛିଟିକି ପଡ଼ିଥିଲା।
Also Read
ପୁଲିସ ଦୁର୍ଘଟଣାଗ୍ରସ୍ତ ଗାଡ଼ି ଜବତ କରିବା ସହ ଘଟଣାର ଛାନଭିନ୍ ଚଳାଇଛି। ଏଥିସହ ଆହତମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଏଥିପାଇଁ ରାସ୍ତାରେ କିଛି ସମୟ ଯାତାୟତ ବନ୍ଦ ରହିଥିଲା। ଗାଡ଼ିଗୁଡ଼ିକୁ ତୁରନ୍ତ ରାସ୍ତାରୁ ହଟାଯିବା ପରେ ଗାଡ଼ି ଚଳାଚଳ ସ୍ୱାଭାବିକ ହୋଇଥିବା ଜଣାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
