ଖଚାଖଚ ଭର୍ତ୍ତି ହୋଇଥିଲା ରାମ ଦୋଳି। ବସିଥିଲେ କ୍ଷମତାଠୁ ଅଧିକ ଲୋକ । ମାତ୍ର ଭାରସାମ୍ୟ ସହି ନ ପାରି ୩୦ ଫୁଟ ଉଚ୍ଚରୁ ଛିଣ୍ଡିଗଲା ଦୋଳି। ଏପରି ଏକ ଘଟଣା ଉତ୍ତରପ୍ରଦେଶର ଇଟାୱା ଜିଲ୍ଲାରେ ଘଟିଛି।
ଇଟାୱାରେ ଏକ ପ୍ରଦର୍ଶନୀ ପଡ଼ିଥିବା ବେଳେ ବିଭିନ୍ନ ଦୋକାନବଜାର ସାଙ୍ଗକୁ ଭଳିକିଭଳି ଦୋଳି ବି ପଡ଼ିଥିଲା। ଦୋଳି ଚଢ଼ିବାକୁ ଲୋକଙ୍କ ମଧ୍ୟରେ ପ୍ରବଳ ଆଗ୍ରହ ଦେଖିବାକୁ ମିଳୁଥିବା ବେଳେ ପ୍ରତି ଥର କ୍ଷମତାଠୁ ଅଧିକ ଲୋକ ଦୋଳିରେ ଝୁଲୁଥିଲେ ।
ଗତ ରାତିରେ ଏକ ଦୋଳି ୩୦ ଫୁଟ ଉଚ୍ଚକୁ ଉଠିଥିବା ବେଳେ ତାହାର ଏକ ଟ୍ରଲି ଭାରସାମ୍ୟ ହରାଇ ତଳକୁ ଖସି ପଡ଼ିଥିଲା। ଉକ୍ତ ଟ୍ରଲିରେ ଥିବା ୫ ଜଣ ତଳେ ଛିଟିକି ପଡ଼ିଥିଲେ। ଗୁରୁତର ଅବସ୍ଥାରେ ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ସେମାନଙ୍କ ଅବସ୍ଥା ସଙ୍କଟାପନ୍ନ ରହିଛି। ଖବର ପାଇ ବରିଷ୍ଠ ଅଧିକାରୀ ଘଟଣାସ୍ଥରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି , ଏଥିସହ ମେଡିକାଲ ଯାଇ ଆହତଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଛନ୍ତି।
Also Read
ଏନେଇ ଏଡିଏମ୍ ବିକ୍ରମ ରାଘବ କହିଛନ୍ତି, ଗତକାଲି ରାତି ପ୍ରାୟ ସାଢେ ୮ଟାରେ ଏହି ଘଟଣା ଘଟିଛି। ଦୋଳିର ଏକ ଟ୍ରଲି ଭାଙ୍ଗିବାକୁ ଏହି ଅଘଟଣ ଘଟିଛି। ୪ ଜଣଙ୍କର ନିକଟସ୍ଥ ମେଡିକାଲରେ ଚିକିତ୍ସା ଚାଲିଥିବା ବେଳେ ଜଣଙ୍କୁ ସଫେଇ ମେଡିକାଲ କଲେଜକୁ ରେଫର କରାଯାଇଛି।
ଦୋଳି ଭାଙ୍ଗିବାର କାରଣ ଖୋଜିବାକୁ ତୁରନ୍ତ ନିର୍ଦ୍ଦେଶ ଦିଆଯାଇଛି। ଏଥିରେ ସମ୍ପୃକ୍ତ ବ୍ୟକ୍ତିବିଶେଷଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
