The Hindu 
ଦିଲ୍ଲୀ ମଦ ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ନେଇପାରେ ବଡ଼ ଆକ୍ସନ। ଏହି ମାମଲାରେ ଆଜି ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓଙ୍କ ଝିଅ ତଥା ବିଆର୍ଏସ୍ ନେତା କେ.କବିତା ଇଡିରେ ହାଜର ହେବେ। ତାଙ୍କୁ ଆଜି ପୂର୍ବରୁ ଗିରଫ ହୋଇଥିବା ହାଇଦ୍ରାବାଦର ବ୍ୟବସାୟୀ ରାମଚନ୍ଦ୍ର ପିଲ୍ଲାଇଙ୍କ ସାମ୍ନାରେ ବସାଇ ପଚରାଉଚରା କରିବ ଇଡି।
ପୂର୍ବରୁ ଅବକାରୀ ଦୁର୍ନୀତି ମାମଲାରେ ଇଡି ମାର୍ଚ୍ଚ ୯ ତାରିଖରେ କେ.କବିତାଙ୍କୁ ହାଜର ହେବାକୁ ସମନ କରିଥିଲା। କିନ୍ତୁ ସେ ଏଥିପାଇଁ ମାର୍ଚ୍ଚ ୧୬ ଯାଏଁ ସମୟ ମାଗିଥିଲେ। ହେଲେ ଆଜି ତଥା ମାର୍ଚ୍ଚ ୧୧ରେ ତାଙ୍କୁ ହାଜର ହେବାକୁ ସମୟ ଦେଇଥିଲା ଇଡି। ସେପଟେ ତଦନ୍ତରେ ପୂର୍ଣ୍ଣ ସହଯୋଗ କରିବି ବୋଲି କବିତା କହିଛନ୍ତି।
Also Read
କେ କବିତା ସାଉଥ କାର୍ଟେଲର ଅଂଶ, ଯାହାଙ୍କୁ ଦିଲ୍ଲୀର ବର୍ତ୍ତମାନ ବାତିଲ ହୋଇଥିବା ମଦ ନୀତିରୁ ଦଲାଲି ରୂପେ ଲାଭ ମିଳିଛି ବୋଲି ଇଡି ଅଭିଯୋଗ କରିଛି। ସେପଟେ ବିଆର୍ଏସ୍ ନେତ୍ରୀ ଏହି ଅଭିଯୋଗକୁ ଖଣ୍ଡନ କରିଛନ୍ତି। ରାଜନୈତିକ ଫାଇଦା ପାଇଁ କେନ୍ଦ୍ରୀୟ ସଂସ୍ଥାଗୁଡିକୁ କେନ୍ଦ୍ର ସରକାର ବ୍ୟବହାର କରୁଥିବା ଅଭିଯୋଗ କରିଛନ୍ତି । ପ୍ରକୃତ ପ୍ରସଙ୍ଗରୁ ଧ୍ୟାନ ହଟାଇବା ପାଇଁ ବିଜେପି ଚେଷ୍ଟା କରୁଥିବା କେ କବିତା କହିଛନ୍ତି।
ଅନ୍ୟପଟେ ଅବକାରୀ ନୀତି ଦୁର୍ନୀତି ମାମଲାରେ କୋର୍ଟ ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ୭ ଦିନ ପାଇଁ ଇଡି ରିମାଣ୍ଡରେ ପଠାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
