ଆଖି ବୁଜିଲେ ଦେଶର ସବୁଠୁ ବର୍ଷିଆନ ସାଂସଦ

୯୪ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି।

MP Shafiqur Rahman Barq Dies

ସାଂସଦ ଶଫିକୁର୍‌ ରହେମାନ ବର୍କ

Madhupriya Mistry
  • Published: Tuesday, 27 February 2024
  • Updated: 27 February 2024, 01:12 PM IST

Sports

Latest News

ଆଖିବୁଜିଲେ ସମାଜବାଦୀ ପାର୍ଟି ସାଂସଦ ଶଫିକୁର୍‌ ରହେମାନ। ସେ ଦେଶର ସବୁଠାରୁ ବୟୋଜ୍ୟେଷ୍ଠ ସାଂସଦ ଥିଲେ। ସେ ୯୪ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଶଫିକୁର୍‌ ରହେମାନ ଗତ କିଛି ଦିନ ହେବ ଅସୁସ୍ଥ ଥିଲେ।

ନାତିଙ୍କ କହିବା ମୁତାବକ, ସ୍ୱାସ୍ଥ୍ୟାବସ୍ଥା ବିଗିଡିବା ଯୋଗୁ ଶଫିକୁର ରହେମାନଙ୍କୁ ମୁରାଦାବାଦର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏହା ପରେ ତାଙ୍କ ଅବସ୍ଥାରେ କିଛି ଉନ୍ନତି ହୋଇଥିଲା। ମଙ୍ଗଳବାର ସକାଳେ ତାଙ୍କୁ ଆଇସିୟୁକୁ ନିଆଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଆଜି ତାଙ୍କର ମୃତ୍ୟୁ ହୋଇଛି। ତାଙ୍କ ମୃତ୍ୟୁ ଖବର ସାମ୍ନାକୁ ଆସିବା ପରେ ସମାଜବାଦୀ ପାର୍ଟି କାର୍ଯ୍ୟକର୍ତ୍ତାଙ୍କ ମଧ୍ୟରେ ଶୋକର ଛାୟା ଖେଳି ଯାଇଛି।

Also Read

ଶଫିକୁର୍‌ ରହେମାନ ବର୍କଙ୍କ ଜନ୍ମ ୧୯୩୦ ଜୁଲାଇ ୧୧ ଉତ୍ତରପ୍ରଦେଶର ସମ୍ଭଲରେ ହୋଇଥିଲା। ସେ ସମାଜବାଦୀ ପାର୍ଟିର ପ୍ରାର୍ଥୀ ରୂପେ ଲୋକସଭା ନିର୍ବାଚନ ଜିତି ସଂସଦ ପହଞ୍ଚିଥିଲେ। ସେ ପ୍ରଥମ ଥର ପାଇଁ ସପା ଟିକେଟ୍‌ରେ ୧୯୯୬ରେ ଲୋକସଭା ନିର୍ବାଚନ ଜିତିଥିଲେ। ଏଥି ସହିତ ସେ ୨୦୧୪ରେ ବିଏସପିରୁ ଲୋକସଭା ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ ଜିତିଥିଲେ।

ଶଫିକୁର ରହେମାନ ବର୍କ ଚାରିଥର ବିଧାୟକ ଏବଂ ପାଞ୍ଚ ଥର ସାଂସଦ ହୋଇଛନ୍ତି। ସେ ୨୦୧୯ ରେ ପଞ୍ଚମ ଥର ପାଇଁ ସାଂସଦ ଭାବରେ ନିର୍ବାଚିତ ହୋଇଥିଲେ। ବୟସ ଏବଂ ଅଭିଜ୍ଞତା ଦୃଷ୍ଟିରୁ ସେ ବିଭାଗର ସବୁଠାରୁ ବରିଷ୍ଠ ରାଜନେତା ଥିଲେ। ତାଙ୍କର ରାଜନନୈତିକ ଆଭିମୁଖ୍ୟ ହେତୁ ତାଙ୍କର ଏକ ସ୍ୱତନ୍ତ୍ର ପରିଚୟ ରହିଛି। ସେ ବାବ୍ରି ମସଜିଦ ଆକ୍ସନ କମିଟିର ସଂଯୋଜକ ମଧ୍ୟ ଥିଲେ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos