ତିହାର ଜେଲରେ ନକଲି କର୍ମଚାରୀ! ବରଖାସ୍ତ ହେଲେ ୫୦

ବରଖାସ୍ତ ୫୦ ଜଣ କର୍ମଚାରୀଙ୍କ ମଧ୍ୟରେ ୩୯ ଜଣ ୱାର୍ଡେନ, ୯ ଜଣ ଆସିସଷ୍ଟାଣ୍ଟ ସୁପରିନଟେଡେଣ୍ଟ ଓ ୨ ଜଣ ପ୍ରମୁଖ ନର୍ସ ରହିଛନ୍ତି।

Tihar

ତିହାର ଜେଲ (ଫାଇଲ ଫଟୋ)

Hemant Lenka
  • Published: Saturday, 02 December 2023
  • Updated: 02 December 2023, 05:45 PM IST

Sports

Latest News

ଦିଲ୍ଲୀର ତିହାର ଜେଲରେ ନକଲି କର୍ମଚାରୀ। ଦୀର୍ଘଦିନରୁ ନକଲି କର୍ମଚାରୀମାନେ କାମ କରୁଥିଲେ ହେଁ କାହା ପାଖରେ ଖବର ନଥିଲେ। କିନ୍ତୁ ନିକଟରେ ହୋଇଥିବା ଭେରିଫିକେସନ ଡ୍ରାଇଭ ସମୟରେ ୫୦ ଜଣ କର୍ମଚାରୀଙ୍କ ବାୟୋମେଟ୍ରିକ ପୂର୍ବରୁ ପଞ୍ଜିକୃତ ତଥ୍ୟ ସହ ମେଳ ଖାଇ ନଥିଲା। ଏଥିପାଇଁ ତିହାର ଜେଲ ପ୍ରଶାସନ ୫୦ ଜଣଙ୍କୁ ବରଖାସ୍ତ ନୋଟିସ ପଠାଇଛି।

ବରଖାସ୍ତ ୫୦ ଜଣ କର୍ମଚାରୀଙ୍କ ମଧ୍ୟରେ ୩୯ ଜଣ ୱାର୍ଡେନ, ୯ ଜଣ ଆସିସଷ୍ଟାଣ୍ଟ ସୁପରିନଟେଡେଣ୍ଟ ଓ ୨ ଜଣ ପ୍ରମୁଖ ନର୍ସ ରହିଛନ୍ତି। ଏମାନଙ୍କୁ Delhi Subordinate Services Selection Board (DSSB)ର ନିର୍ଦ୍ଦେଶକ୍ରମେ ବରଖାସ୍ତ ନୋଟିସ ପଠାଯାଇଛି। ଡିଏସଏସବି ତିହାର ଜେଲରେ ନିଯୁକ୍ତି ପାଇଁ ପରୀକ୍ଷା କରିଥିଲା ଓ ୪୫୦ ଜଣ ଆଶାୟୀଙ୍କୁ ୩ଟି ପଦବୀରେ ନିଯୁକ୍ତି ଦେଇଥିଲା।

Also Read

ଏହି ୪୫୦ ଜଣ କର୍ମଚାରୀଙ୍କ ମଧ୍ୟରୁ ୫୦ ଜଣଙ୍କ ପରିଚୟ ବାୟୋମେଟ୍ରିକ ତଥ୍ୟରେ ମେଳ ଖାଇନାହିଁ। ତେଣୁ ସେମାନଙ୍କୁ ବରଖାସ୍ତ ନୋଟିସ ପଠାଯାଇଛି। ୫୦ ଜଣ ନକଲି କର୍ମଚାରୀ କାମ କରିବା ଅର୍ଥ, ଏମାନଙ୍କ ପରୀକ୍ଷା ବୋର୍ଡ ନାଁରେ ଆଉ କେହି ନେଇଛି। ଏହାପରେ ସେମାନଙ୍କୁ ତିହାର ଜେଲରେ ନିଯୁକ୍ତି ଦେଇଛି।

ଏବେ ସମସ୍ତ ୫୦ ଜଣଙ୍କ ଉପରେ ୨ ବର୍ଷର ବ୍ୟାନ ଲାଗିଛି। ସେମାନଙ୍କୁ ବରଖାସ୍ତ ନୋଟିସ ପଠାଯାଇ ଗୋଟିଏ ମାସ ମଧ୍ୟରେ ଜବାବ ରଖିବାକୁ କୁହାଯାଇଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos