ଜମ୍ମୁ-କଶ୍ମୀର ବିଧାନସଭାରେ ହଙ୍ଗାମା, ଠେଲାପେଲା ହେଲେ ବିଧାୟକ

ଜମ୍ମୁ-କଶ୍ମୀର ବିଧାନସଭାରେ ହେଲା ଜୋରଦାର ହଙ୍ଗାମା। ଗୃହ କାର୍ଯ୍ୟ ଚାଲିଥିବା ବେଳେ ଠେଲାପେଲା ହେଲେ ବିଧାୟକ। ନିଜ ନିୟନ୍ତ୍ରଣ ହରାଇଲେ ଶାସକ ଓ ବିରୋଧୀ ଦଳର ନେତା। ପରସ୍ପରକୁ ଦେଲେ ଧକ୍କା। ଧାରା ୩୭୦କୁ ନେଇ ବିଧାନସଭା ପରିସର ପାଲଟିଲା ରଣକ୍ଷେତ୍ର। ଚିରାଗଲା ପୋଷ୍ଟର। ଫଳରେ ଗୃହକୁ ମୁଲତବୀ କରାଯାଇଛି।

ସୂଚନା ମୁତାବକ, ଗତକାଲି ଧାରା ୩୭୦ ହଟାଇବାକୁ ବିରୋଧରେ ଜମ୍ମୁ-କଶ୍ମୀର ବିଧାନସଭାରେ ପ୍ରସ୍ତାବ ପାରିତ ହୋଇଥିଲା। ଏହାକୁ ନେଇ ଗତକାଲି ଠାରୁ ଗୃହରେ ହଙ୍ଗାମା ଜାରି ରହିଥିଲା। ତେବେ ଆଜି ଗୃହକାର୍ଯ୍ୟ ଆରମ୍ଭ ହେବା ମାତ୍ରେ ଏହାକୁ ନେଇ ଦୁଇ ପକ୍ଷର ବିଧାୟକ ପରସ୍ପର ମୁହାଁମୁହିଁ ହୋଇଥିଲେ। ପରସ୍ପର ସହ ପିଟାପିଟି ହେବା ସହ ଠେଲାପେଲା ମଧ୍ୟ ହୋଇଥିଲେ।

କୁହାଯାଉଛି ଯେ ବିଧାୟକ ଇଞ୍ଜିନିୟର ରସିଦଙ୍କ ଭାଇ ଖୁରସିଦ ଅହମ୍ମଦ ଶେଖ ଲାଗୁ କରିବା ପାଇଁ ଦାବି କରି ଗୃହରେ ଧାରା ୩୭୦ର ବ୍ୟାନର ଦେଖାଇଥିଲେ। ବିଧାନସଭାରେ ବିରୋଧୀଦଳ ନେତା ସୁନୀଲ ଶର୍ମା ବ୍ୟାନର ପ୍ରଦର୍ଶନକୁ ବିରୋଧ କରିଥିଲେ। ଏହି ପୋଷ୍ଟର ଦେଖିବା ପରେ ବିଜେପି ବିଧାୟକମାନେ ରାଗି ଯାଇଥିଲେ। ସେମାନେ ତାଙ୍କ ହାତରୁ ବ୍ୟାନର ଛଡ଼ାଇ ନେଇଥିଲେ।

#WATCH | Srinagar: Session of J&K Assembly resumes after it was briefly adjourned following a ruckus when Engineer Rashid's brother & Awami Ittehad Party MLA Khurshid Ahmad Sheikh displayed a banner on the restoration of Article 370.

Marshals took a few Opposition MLAs of the… pic.twitter.com/cIxIPfpjRh

— ANI (@ANI) November 7, 2024

ଏହା ପରେ ଦଳର ବିଧାୟକ ଏବଂ ବିରୋଧୀଙ୍କ ମଧ୍ୟରେ ଝଗଡ଼ା ଆରମ୍ଭ ହୋଇଥିଲା। ବିଜେପି ବିଧାୟକମାନେ ଶେଖ ଖୁରସିଦଙ୍କ ହାତରୁ ବ୍ୟାନର ନେଇ ଏହାକୁ ଚିରି ଦେଇଥିଲେ। ଏପରିକି ବିଧାୟକଙ୍କ ମଧ୍ୟରେ ପିଟାପଟି ମଧ୍ୟ ହୋଇଥିଲେ। ଏହାପରେ ମାର୍ଶଲ ଯେଉଁମାନେ ହଙ୍ଗାମା ସୃଷ୍ଟି କରିଥିଲେ ସେହି ବିରୋଧୀ ବିଧାୟକଙ୍କୁ ଗୃହରୁ ବାହାର କରି ଦେଇଥିଲେ। ଏହା ପରେ ଗୃହ କାର୍ଯ୍ୟକୁ କିଛି ସମୟ ପାଇଁ ସ୍ଥଗିତ ରଖାଯାଇଥିଲା।

ବିଜେପି ନେତା ରବିନ୍ଦ୍ର ରାଇନା କହିଛନ୍ତି ଯେ ଜମ୍ମୁ-କଶ୍ମୀରରେ ଧାରା ୩୭୦ ବର୍ତ୍ତମାନ ଇତିହାସରେ ପରିଣତ ହୋଇଛି । ଓମାର ଅବଦୁଲ୍ଲା ସରକାର ପାକିସ୍ତାନର ମନୋବଳ ବୃଦ୍ଧି କରୁଛନ୍ତି। ଧାରା ୩୭୦ ଜମ୍ମୁ କଶ୍ମୀରରେ ଆତଙ୍କବାଦ, ବିଚ୍ଛିନ୍ନତାବାଦ ଏବଂ ପାକିସ୍ତାନ ମାନସିକତାକୁ ଜନ୍ମ ଦେଇଥିଲା।

ଏଭଳି ପରିସ୍ଥିତିରେ ବିଧାନସଭାରେ ଧାରା ୩୭୦ ପ୍ରସ୍ତାବକୁ ଅସାମ୍ବିଧାନିକ ଢଙ୍ଗରେ ଆଣିବା ଏବଂ ଏହାକୁ ଶୀଘ୍ର, ଗୁପ୍ତ ଭାବରେ ଚୋରଙ୍କ ପରି ଉପସ୍ଥାପନ କରିବା ଦର୍ଶାଏ ଯେ ଜମ୍ମୁ କଶ୍ମୀରରେ ନ୍ୟାସନାଲ କନ୍‌ଫରେନ୍ସ ଏବଂ କଂଗ୍ରେସ ପୁଣି ପରିସ୍ଥିତିକୁ ଆହୁରି ଖରାପ କରିବାକୁ ଚାହୁଁଛି।