ପାର୍ଟିରେ ଅତ୍ୟଧିକ ନିଶା ସେବନ କରି ନିଜ ଉପରୁ ନିୟନ୍ତ୍ରଣ ହରାଇ ବସିବା ମହଙ୍ଗା ପଡ଼ିଲା। ନିଜ ହୋସରେ ନ ଥାଇ ସର୍ଭିସ ବନ୍ଧୁକରୁ ଗୁଳି ଫୁଟାଇ ଉଭୟ ହିନସ୍ତା ହୋଇଛନ୍ତି। ଉଭୟଙ୍କୁ ଗିରଫ କରାଯିବା ସହ ନିଲମ୍ବନ କରାଯାଇଛି। ଏପରି ଏକ ଘଟଣା ଉତ୍ତରପ୍ରଦେଶରେ ଘଟିଛି।
ଗିରଫ ଦୁଇ କନଷ୍ଟେବଳ ହେଲେ ଧୀରଜ କୁମାର ଓ ମୁକୁଳ ଯାଦବ । ସେମାନେ ଗାଜିଆବାଦ ଜିଲ୍ଲାର ଇନ୍ଦିରାପୁରମ୍ ଥାନାରେ କାର୍ଯ୍ୟରତ ଥିଲେ। ଗତକାଲି ଉଭୟଦିଲ୍ଲୀ ଗାର୍ଡେନ ଗଲେରିୟା ମଲ୍କୁ ଏକ ପାର୍ଟିରେ ଯୋଗ ଦେବାକୁ ଯାଇଥିଲେ। ସେଠାରୁ ଫେରିବା ବେଳେ ଉଭୟ ନିଶାସକ୍ତ ଅବସ୍ଥାରେ ଥିଲେ। ଫଳରେ ସେମାନଙ୍କର ନିଜ ଉପରେ ନିୟନ୍ତ୍ରଣ ନ ଥିବା ବେଳେ ସେମାନେ ପାଖରେ ଥିବା ସର୍ଭିସ ରିଭଲଭର ଫୁଟାଇଥିଲେ।
Also Read
ଏଥିରେ କେହି ମୃତାହତ ହୋଇ ନ ଥିବା ବେଳେ ଗୁଳି ଶବ୍ଦ ଶୁଣି ଲୋକେ ଭୟଭୀତ ହୋଇ ଦୌଡ଼ିବାକୁ ଲାଗିଲେ। ଏହାପରେ ଉଭୟ ଧୀରଜ ଓ ମୁକୁଳ ଘଟଣାସ୍ଥଳରୁ ଫେରାର ହୋଇ ଯାଇଥିଲେ। ଏନେଇ ଅଭିଯୋଗ ହେବା ପରେ ପୁଲିସ୍ ସିସିଟିଭି ଫୁଟେଜ ତଦାରଖ କରି ଉଭୟଙ୍କୁ ଚିହ୍ନଟ କରିଥିଲା।
ଏହାପରେ ବହୁ ଖୋଜାଖୋଜି ପରେ ଉଭୟଙ୍କୁ ଗିରଫ କରାଯାଇଥିବା ବେଳେ ସେମାନଙ୍କୁ ନିଲମ୍ବନ କରାଯାଇଥିବା ଜଣାଯାଇଛି। ଏହି ଘଟଣାର ଅଧିକ ତଦନ୍ତ ଚାଲିଥିବା କହିଛନ୍ତି ବରିଷ୍ଠ ପୁଲିସ୍ ଅଧିକାରୀ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
