ନୂଆଦିଲ୍ଲୀ : ଜାତିସଂଘ ସାଧାରଣ ସଭାର ୭୭ ତମ ଅଧିବେଶନର ଅଧ୍ୟକ୍ଷ ସାବା କୋରୋସି ଆଜି ତିନି ଦିନିଆ ଭାରତ ଗସ୍ତରେ ଆସିବେ। ସେ ଗତ ବର୍ଷ ସେପ୍ଟେମ୍ବରରେ ଜାତିସଙ୍ଘର ଅଧ୍ୟକ୍ଷ ପଦ ଗ୍ରହଣ କରିବା ପରଠାରୁ ଏହା ତାଙ୍କର ପ୍ରଥମ ଦ୍ୱିପାକ୍ଷିକ ଗସ୍ତ ହେବ। ଏହି ଗସ୍ତ ସମୟରେ ଶ୍ରୀ କୋରୋସି ବୈଦେଶିକ ବ୍ୟାପାର ମନ୍ତ୍ରୀ ଡ ଏସ ଜୟଶଙ୍କରଙ୍କ ସହ ପାରସ୍ପରିକ ସ୍ୱାର୍ଥ ସମ୍ବଳିତ ପ୍ରମୁଖ ବହୁପକ୍ଷୀୟ ତଥା ଆଞ୍ଚଳିକ ପ୍ରସଙ୍ଗରେ ଆଲୋଚନା କରିବେ। ସେ ତାଙ୍କ ଜାତିସଂଘ ଅଧ୍ୟକ୍ଷତାର କେତେକ ପ୍ରାଥମିକତା ଉପରେ ଗୁରୁତ୍ୱ ଦେଇଛନ୍ତି। ଏଥିରେ ମିଳିତ ଜାତିସଂଘର ମୌଳିକ ନୀତିକୁ ଦୃଢ଼ କରିବା ଏବଂ ଅଗ୍ରଗତି କରିବା ଅନ୍ତର୍ଭୁକ୍ତ। ନିଷ୍ପତ୍ତି ନେବାରେ ବିଜ୍ଞାନର ଭୂମିକାକୁ ବୃଦ୍ଧି କରିବା ଏବଂ ବିଶ୍ୱ ସାମ୍ନା କରୁଥିବା ସଙ୍କଟର ନୂତନ ଅଧ୍ୟାୟକୁ ଭଲ ଭାବରେ ବିଚାର କରିବା ତାଙ୍କର ଅନ୍ୟାନ୍ୟ ପ୍ରାଥମିକତା ଅଟେ।
ଜଳ ପରିଚାଳନା କ୍ଷେତ୍ରରେ ଭାରତର ପାରଦର୍ଶୀତା ଏବଂ ନିରନ୍ତର ବିକାଶ ଅଭିଜ୍ଞତା ଉପରେ ଶ୍ରୀ କୋରୋସିଙ୍କ ଆଗ୍ରହକୁ ଦୃଷ୍ଟିରେ ରଖି ସେ ନିତି ଆୟୋଗ ଏବଂ ଭାରତର ଜି୨୦ ଅଧ୍ୟକ୍ଷ ଦଳର ବରିଷ୍ଠ ଅଧିକାରୀଙ୍କ ସହ ମଧ୍ୟ ଆଲୋଚନା କରିବେ। ଆସନ୍ତାକାଲି ମିଳିତ ଜାତିସଂଘରେ ଏକତା, ନିରନ୍ତରତା ଏବଂ ବିଜ୍ଞାନ ମାଧ୍ୟମରେ ସମାଧାନ ଉପରେ ସେ ଉଦବୋଧନ ଦେବେ।