ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟ ଅଚଳ ଉପରେ ପ୍ରତିକ୍ରିୟା ରଖିଛି ମିଳିତ ଜାତିସଂଘ। ଜାତିସଂଘ କହିଛି, ଭାରତ ଏବଂ ଅନ୍ୟ ରାଷ୍ଟ୍ରର ନିର୍ବାଚନ ସମୟରେ ଲୋକଙ୍କ ରାଜନୈତିକ ତଥା ନାଗରିକ ଅଧିକାର ସୁରକ୍ଷା ଥିବ ବୋଲି ବିଶ୍ୱ ସଂସ୍ଥା ଆଶା ରଖିଛି।
ଜାତିସଂଘର ମୁଖ୍ୟ ଶାସନ ସଚିବ ଆଣ୍ଟୋନି ଗୁଟେରସଙ୍କ ମୁଖପାତ୍ର ଷ୍ଟିଫେନ ଡୁଜେରିକ କହିଛନ୍ତି, "ଭାରତ ଏବଂ ଅନ୍ୟ ରାଷ୍ଟ୍ରମାନଙ୍କର ନିର୍ବାଚନ ସମୟରେ ସମସ୍ତଙ୍କ ରାଜନୈତିକ ଏବଂ ମାନିବିକ ଅଧିକାର ସୁରକ୍ଷିତ ଥିବ ବୋଲି ଆମେ ଆଶା କରୁଛୁ। ନିର୍ବାଚନ ସମୟରେ ପ୍ରତ୍ୟେକ ବ୍ୟକ୍ତି ଏକ ସ୍ୱଚ୍ଛ ଏବଂ ନିରପକ୍ଷ ପରିବେଶରେ ମତଦାନ କରିବାକୁ ସକ୍ଷମ ହେବେ।"
Also Read
ଲୋକସଭା ନିର୍ବାଚନର କିଛି ଦିନ ପୂର୍ବରୁ ଦିଲ୍ଲୀର ମଦ ନୀତି ମାମଲାରେ ଅରବିନ୍ଦ କେଜ୍ରିୱାଲଙ୍କୁ ଗିରଫ କରାଯିବାକୁ ନେଇ ସବୁଠି ଚର୍ଚ୍ଚା ହେଉଛି। ଚଳିତ ମାସ ୨୧ରେ ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କୁ ଗିରଫ କରିଥିଲା। ସେ ବର୍ତ୍ତମାନ କେନ୍ଦ୍ରୀୟ ଅନୁସନ୍ଧାନ ଏଜେନ୍ସିର ହେପାଜତରେ ଅଛନ୍ତି।
ଗତକାଲି କେଜ୍ରିୱାଲଙ୍କ ୭ ଦିନିଆ ରିମାଣ୍ଡ ଅବଧି ସରିବା ପରେ ଇଡି ତାଙ୍କୁ ପୁଣି ଏପ୍ରିଲ ୧ ଯାଏ ହେପାଜତକୁ ନେଇଛି। ସେପଟେ, ଆୟକର ବିଭାଗ କଂଗ୍ରେସ ବ୍ୟାଙ୍କ ଖାତା ଅଚଳ କରିଦେଇଛି। ନିର୍ବାଚନ ସମୟରେ ଜାଣିଶୁଣି ଆମ ଖାତା ଅଚଳ କରାଯାଇଥିବା ଅଭିଯୋଗ କରିଛି କଂଗ୍ରେସ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
