ଉତ୍ତରପ୍ରଦେଶର ପ୍ରତାପଗଡ଼ର ବାହୁବଳୀ ବିଧାୟକ ରାଜା ଭାୟାଙ୍କ ବାପା ଉଦୟ ପ୍ରତାପ ସିଂହଙ୍କୁ ଗୃହ ବନ୍ଦୀ କରିଛି ପୁଲିସ୍ । ଗତ କିଛି ବର୍ଷ ଧରି ମହରମ ପର୍ବରେ ଗଣ୍ଡଗୋଳ ଘଟାଇବା ଆଶଙ୍କାରେ ଉଦୟ ପ୍ରତାପ ସିଂହଙ୍କୁ ଗୃହ ବନ୍ଦୀ କରାଯାଉଛି।
ଏହି ପର୍ବରୁ ଶାନ୍ତିଶୃଙ୍ଖଳାର ସହ ସମ୍ପନ୍ନ କରାଇବା ନିମନ୍ତେ ପୁଲିସ୍ ତରଫରୁ ଏପରି ଆଗୁଆ ପଦକ୍ଷେ ଗ୍ରହଣ କରାଯାଇଛି। ଏଥିନିମନ୍ତେ ଉଦୟ ପ୍ରତାପଙ୍କୁ ନିଜ ଘରେ ୩ ଦିନ ପାଇଁ ଗୃହ ବନ୍ଦୀ କରାଯାଇଛି।
Also Read
ଉଦୟ ପ୍ରତାପ ସିଂହ ମହରମ ପର୍ବକୁ ତୀବ୍ର ବିରୋଧ କରିବା ସହ ଉକ୍ତ ଦିନ ପ୍ରୟାଗରାଜ- ଲକ୍ଷ୍ନୌ ଜାତୀୟ ରାଜପଥକୁ ବ୍ଲକ କରିଥାନ୍ତି। ଫଳରେ ମୁସଲିମ ସମ୍ପ୍ରଦାୟର ଶୋଭାଯାତ୍ରାରେ ବାଧା ସୃଷ୍ଟି ହୋଇଥାଏ। ତେଣୁ ଆଇନ ଶୃଙ୍ଖଳା ବ୍ୟବସ୍ଥା ଯେପରି ବିପର୍ଯ୍ୟସ୍ତ ନ ହୁଏ ସେଥିନିମନ୍ତେ ପୁଲିସ୍ ପ୍ରଶାସନ ତରଫରୁ ଏପରି ଆଗୁଆ ପଦକ୍ଷେପ ଗ୍ରହଣ କରାଯାଇଛି। ଏହା ପୂର୍ବରୁ ବି ଉଦୟ ପ୍ରତାପଙ୍କୁ ବହୁ ଥର ଗୃହ ବନ୍ଦୀ କରାଯାଇଛି।
ବାହୁବଳୀ ବିଧାୟକ ରାଜା ଭାୟାଙ୍କର ତାଙ୍କ ପିତାଙ୍କ ସହ ସମ୍ପର୍କ ଠିକ୍ ନ ଥିବା ଜଣାଯାଇଛି। ରାଜା ଭାୟାଙ୍କ ପତ୍ନୀ କୋର୍ଟରେ ଛାଡ଼ପତ୍ର ମାମଲା ରୁଜୁ କରିଥିବା ବେଳେ ଏହାକୁ ନେଇ ଉଦୟ ପ୍ରତାପଙ୍କର ପୁଅ ସହ ସମ୍ପର୍କ ଠିକ୍ ନ ଥିବା ଜଣାଯାଇଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
