ନନ୍-ଭେଜ୍ ଖାଇବା ଆଣିବାରୁ ଏକ ଘରୋଇ ସ୍କୁଲର ନର୍ସରୀ ଛାତ୍ରଙ୍କୁ ବାହାର କରି ଦେଇଛନ୍ତି ପ୍ରିନ୍ସିପାଲ। ଉତ୍ତରପ୍ରଦେଶର ଆମ୍ରୋହା ସ୍ଥିତ ଏକ ଘରୋଇ ସ୍କୁଲରେ ଏହି ଘଟଣା ଘଟିଛି। ଛାତ୍ରଙ୍କ ମାଆ ଏନେଇ ପ୍ରିନ୍ସପାଲଙ୍କ ସହ ଯୁକ୍ତିତର୍କ କରିବା ସମୟର ଭିଡିଓ ଭାଇରାଲ ହେବା ପରେ ମାମଲା ସର୍ବ ସମ୍ମୁଖକୁ ଆସିଛି।
ଭାଇରାଲ୍ ଭିଡ଼ିଓରେ ଶୁଣିବାକୁ ମିଳୁଛି ଯେ, ପ୍ରିନ୍ସିପାଲ ଛାତ୍ରଙ୍କ ମାଆଙ୍କୁ କହୁଛନ୍ତି- "ଆପଣଙ୍କ ପୁଅ ଅନ୍ୟ ପିଲାମାନଙ୍କୁ ନନ୍-ଭେଜ୍ ଖାଇବାକୁ କହୁଛି ଏବଂ ସେମାନଙ୍କୁ ଇସଲାମରେ ପରିଣତ ହେବାକୁ ଶିଖାଉଛି। ଆମେ ପିଲାମାନଙ୍କୁ ଏପରି ନୈତିକ ଶିକ୍ଷା ଦେବାକୁ ଚାହୁଁ ନାହୁଁ, ଯାହା ଆମ ମନ୍ଦିରକୁ ଭାଙ୍ଗିଦେବ ଏବଂ ସ୍କୁଲକୁ ନନ୍-ଭେଜ୍ ଖାଇବା ନେଇ ଆସିବ।"
ଛାତ୍ରଙ୍କ ମାଆ ପ୍ରିନ୍ସିପାଲଙ୍କ ଏହି ଅଭିଯୋଗକୁ ଖଣ୍ଡନ କରି କହିଛନ୍ତି, "ଜଣେ ୭ ବର୍ଷର ଛୁଆ ଏପରି କଥା କହି ପାରିବ ନାହିଁ। ସେ ଏମିତି କେତେ ବଡ଼ ଆତଙ୍କବାଦୀ ମୋତେ କୁହନ୍ତୁ।" ଏହାର ଜବାବରେ ପ୍ରିନ୍ସପାଲ କହିଛନ୍ତି, "ସେ ଏସବୁ ଘରେ ତାଙ୍କ ବାପାମାଆଙ୍କ ଠାରୁ ଶିଖୁଛି। ଅନ୍ୟ ଅଭିଭାବକଙ୍କର ଅସୁବିଧା ଥିବାରୁ ଆମେ ଆପଣଙ୍କ ପିଲାଙ୍କ ନାଁ ରେଜିଷ୍ଟରରୁ ହଟାଇ ଦେଇଛୁ।"
Also Read
ଛାତ୍ରଙ୍କ ମାଆ ଏ ଉପରେ ଯୁକ୍ତି କରି କହିଥିଲେ, "ତିନି ମାସ ହେବ ମୋ ପୁଅ ଘରେ କହୁଛି ସ୍କୁଲରେ ତାକୁ ହିନ୍ଦୁ-ମୁସଲିମ, ହିନ୍ଦୁ-ମୁସଲିମ କଥା କୁହାଯାଉଛି। ପିଲାମାନେ ତାକୁ ମାଡ଼ ମାରୁଥିବା ଏବଂ ବାରମ୍ବାର ଅସୁବିଧାରେ ପକାଉଛନ୍ତି।"
ଏହାପରେ ପ୍ରିନ୍ସିପାଲ କହିଥିଲେ, "ଆପଣ ଏପରି କାଉଣ୍ଟର ଅଭିଯୋଗ କରି ବିଭ୍ରାନ୍ତ କରିବାକୁ ଚେଷ୍ଟା କରୁଛନ୍ତି। ଆମେ ଆପଣଙ୍କ ପିଲାର ନାଁ ରେଜିଷ୍ଟରରୁ ହଟାଇ ଦେଇଛୁ, ଆପଣ ନେଇଯାଆନ୍ତୁ।"
ସେପଟେ ଶିକ୍ଷା ଜିଲ୍ଲା ପରିଦର୍ଶକ (DIS) କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ଏବଂ ଘଟଣାର ତଦନ୍ତ ପାଇଁ ତିନି ଜଣିଆ ତଦନ୍ତ କମିଟି ଗଠନ କରାଯାଇଥିବା ପୁଲିସ କହିଛି।
A 4-5-year-old Muslim child was expelled from Hilton Public School, Amroha, over allegations of bringing non-veg food.
— DR MEHREEN 🩺 (@YoursTrulyDr_M) September 5, 2024
The principal allegedly stated, can't educate kids who break our temples, harm Hindus, talk about convting all Hindus, and dstry Ram Mandir."#HindusUnderAttack pic.twitter.com/zHLKH5Ogjn
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
