ବନ୍ଧୁ ସାଜିଲା ବଇରୀ । ଅଣ୍ତା ଟଙ୍କା ନ ଦେବାରୁ ନାବାଳକ ସାଙ୍ଗକୁ ନିର୍ମମ ହତ୍ୟା। ଉତ୍ତରପ୍ରଦେଶର ମହାରାଜଗଞ୍ଜ ଜିଲ୍ଲାରେ ତିନିଜଣ ସାଙ୍ଗ ମିଶି ସେମାନଙ୍କ ୧୫ ବର୍ଷର ସାଙ୍ଗକୁ ହତ୍ୟା କରିଥିବା ନେଇ ଆସିଛି ସାଙ୍ଘାତିକ ଅଭିଯୋଗ ।
ଗୁରୁବାର ଦିନ ନିହତ ୧୫ ବର୍ଷୀୟ ନାବାଳକ ଚନ୍ଦନ ତାଙ୍କର ତିନି ଜଣ ସାଙ୍ଗଙ୍କ ସହ ମିଶି ଘୁଘୁଲି ଗାଁରେ ଥିବା ଜଣେ ଦୋକାନୀଙ୍କ ପାଖକୁ ଅଣ୍ଡା ଖାଇବା ପାଇଁ ଯାଇଥିଲେ। ସେଠାରେ ଅଣ୍ତା ଖାଇବା ପରେ ଦୋକାନୀଙ୍କୁ ୧୧୫ ଟଙ୍କା ଦେବାକୁ ନେଇ ସେମାନଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ପରେ ତିନିଜଣ ସାଙ୍ଗ ମିଶି ଚନ୍ଦନଙ୍କୁ ହତ୍ୟା କରିଥିଲେ ବୋଲି ପୁଲିସ କହିଛି।
Also Read
ପୁଲିସ ମୁତାବକ, ଅଭିଯୁକ୍ତ ତିନି ଜଣ ସାଙ୍ଗ ମିଶି ଚନ୍ଦନଙ୍କୁ ଅହିରାଉଳି ଗାଁ ନିକଟକୁ ନେଇଯାଇଥିଲେ ଏବଂ ସେଠାରେ ଏକ ନିଛାଟିଆ ସ୍ଥାନରେ ଏକ ଧାରୁଆ ଅସ୍ତ୍ରରେ ନିର୍ମମ ଭାବେ ହତ୍ୟା କରିଥିଲେ। ତା' ପରେ ମୃତଦେହକୁ ନିକଟରେ ଥିବା ଛଟି ଗଣ୍ଡକ ନଦୀ କୂଳକୁ ଫିଙ୍ଗି ଦେଇଥିଲେ।
ରାତିରେ ଚନ୍ଦନ ଘରକୁ ନ ଫେରିବାରୁ ପରିବାର ଲୋକେ ତାଙ୍କୁ ଖୋଜାଖୋଜି କରିଥିଲେ। ପରେ ଚନ୍ଦନ ନ ମିଳିବାରୁ ପରିବାର ଲୋକେ ପୁଲିସକୁ ଖବର ଦେଇଥିଲେ। ରବିବାର ଘୁଘୁଲି ଥାନା ପୁଲିସ ଚନ୍ଦନର ମୃତଦେହକୁ ଜବତ କରିବା ସହ ଅଭିଯୁକ୍ତ ମାନକୁ ଗିରଫ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
