'ମୁଁ ଆଉ ପଲଟିବିନି। ମୁଁ ଆଉ ଏପଟ ସେପଟ ହେବିନି। ଆପଣଙ୍କ ସାଥୀରେ ରହିବି। ବିହାର ପାଇଁ କାମ କରିବି।' ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଆଜି ଏଭଳି କିଛି ପ୍ରତିଶ୍ରୁତି ଦେଇଛନ୍ତି ବିହାର ମୁଖ୍ୟମନ୍ତ୍ରୀ ନୀତୀଶ କୁମାର। ତେବେ ନୀତୀଶଙ୍କ ଏହି କଥା ଶୁଣି ହସି ଦେଇଛନ୍ତି ମୋଦି।
ବିହାର ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଶନିବାର ଔରଙ୍ଗାବାନରେ ମୋଦି ଅନେକ ପ୍ରକଳ୍ପର ଉଦ୍ଘାଟ କରିଛନ୍ତି। ଏହି ଅବସରରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ମଧ୍ୟ ସେଠାରେ ଉପସ୍ଥିତ ଥିଲେ। ସେ ଏହି ସମୟରେ ଜନସଭାରେ ମୋଦିଙ୍କ ଆଗରେ ଏକ ଶପଥ ନେଇଛନ୍ତି।
Also Read
ସେ କହିଛନ୍ତି, ଆପଣ ପୂର୍ବରୁ ବି ଏଠାକୁ ଆସିଥିଲେ, ସେତେବେଳେ ମୁଁ ଗାଏବ ହେଇଯାଇଥିଲି। ହେଲେ ଏବେ ଆଉ ମୁଁ ପଲଟିବିନି। ଆଉ ଏପଟ ସେପଟ ହେବିନି। ମୁଁ ଏନ୍ଡିଏ ସହ ହିଁ ରହିବେ। ଆପଣଙ୍କୁ ଆଶ୍ୱସନା ଦେଉଛି ଦଳ ଛାଡି ଅନ୍ୟ କେଉଁଠିକି ଯିବି ନାହିଁ। ବିହାର ପାଇଁ କାମ କରିବି।' ତେବେ ନୀତୀଶଙ୍କ ଏହି କଥା ଶୁଣିବା ମାତ୍ରେ ମୋଦି ଷ୍ଟେଜ ଉପରେ ହିଁ ହସିବାକୁ ଲାଗିଥିଲେ।
#WATCH औरंगाबाद: बिहार के मुख्यमंत्री नीतीश कुमार ने कहा, "...हम आपको(प्रधानमंत्री नरेंद्र मोदी) आश्वस्त करते हैं कि अब हम इधर-उधर नहीं होने वाले। हम आप(NDA) के साथ रहेंगे..." https://t.co/OUuLUyiSKn pic.twitter.com/L9xu1YqoZJ
— ANI_HindiNews (@AHindinews) March 2, 2024
କେବଳ ସେତିକି ନୁହେଁ ନୀତୀଶ କୁମାର ନିଜ ଭାଷଣରେ ମୋଦିଙ୍କ 'ଅବ୍ କି ବାର୍ ୪୦୦ ପାର୍…' ନାରାକୁ ମଧ୍ୟ ଦୋହରାଇଥିଲେ। ସେ କହିଥିଲେ 'ଏଥର ମଧ୍ୟ ବିଜେପି ଅତି କମ୍ରେ ୪୦୦ ଆସନରେ ଜିତିବ। ଆମେ ୨୦୦୫ରୁ ଏକାଠି ଅଛୁ। ପୂର୍ବରୁ କିଛି କାମ ହେଇନଥିଲା, ଲୋକ ପାଠ ପଢିବାକୁ ମଧ୍ୟ ସୁଯୋଗ ନଥିଲା। ହେଲେ ୨୦୦୫ରୁ ଆମେ ଏକାଠି ମିଶି କାମ କରିଥିଲୁ ବୋଲି ନୀତୀଶ କହିଛନ୍ତି।' ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ବିହାରକୁ ପୁଣି ଥରେ ଡବଲ ଇଂଜିନ ସରକାର ଫେରି ଆସିଛି କହି ବିରୋଧୀଙ୍କୁ ଟାର୍ଗେଟ୍ କରିଛନ୍ତି।
କହିରଖୁ ଯେ, ନିକଟରେ ଆର୍ଜେଡି ନେତୃତ୍ୱାଧୀନ ମହାମେଣ୍ଟରୁ ହଟି ଏନ୍ଡିଏ ସହ ମେଣ୍ଟ କରି ସରକାର ଗଢିଛନ୍ତି ନୀତୀଶ କୁମାର।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
