ଜଜଙ୍କ ଜିଭ କଟାଯିବ ବୋଲି ଧମକ ଦେଇ ଅଡ଼ୁଆରେ କଂଗ୍ରେସ ନେତା

୨୦୧୯ ମାନହାନୀ ମାମଲାରେ ରାହୁଲ ଗାନ୍ଧିଙ୍କ ବିରୋଧରେ ରାୟ ଶୁଣାଇଥିବା ବିଚାରପତିଙ୍କୁ ଧମକ ଦେଇଥିବାରୁ ତାଙ୍କ ନାଁରେ ମାମଲା ରୁଜୁ କରାଯାଇଛି।

Congress PhotoNDTV

ମାଇକରେ ଭାଷଣ ଦେଉଥିବା କଂଗ୍ରେସ ନେତାଙ୍କ ନାଁରେ ମାମଲା ହୋଇଛି

Hemant Lenka
  • Published: Sunday, 09 April 2023
  • Updated: 09 April 2023, 08:41 AM IST

ଅଡ଼ୁଆରେ ତାମିଲନାଡୁ କଂଗ୍ରେସର ଜଣେ ନେତା। ଡିଣ୍ଡିଗୁଲ ଜିଲ୍ଲାର କଂଗ୍ରେସ ସଭାପତି ଭାବେ କାର୍ଯ୍ୟ କରୁଥିବା ମଣିକନ୍ଦନ ଖୋଲାଖୋଲି ଭାବେ ବିଚାରପତିଙ୍କ ଜିଭ କଟାଯିବ ବୋଲି କହି ବିବାଦରେ ଫସିଛନ୍ତି। ୨୦୧୯ ମାନହାନୀ ମାମଲାରେ ରାହୁଲ ଗାନ୍ଧିଙ୍କ ବିରୋଧରେ ରାୟ ଶୁଣାଇଥିବା ବିଚାରପତିଙ୍କୁ ଧମକ ଦେଇଥିବାରୁ ତାଙ୍କ ନାଁରେ ମାମଲା ରୁଜୁ କରାଯାଇଛି।

ପୁଲିସ୍‌ କଂଗ୍ରେସର ଡିଣ୍ଡିଲ ଜିଲ୍ଲା ସଭାପତି ମଣିକନ୍ଦନଙ୍କ ନାଁରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଆଇପିସିର ଧାରା ୧୬୩ବିରେ ମାମଲା ହୋଇଥିବା ଜଣେ ଅଧିକାରୀ ସୂଚନା ଦେଇଛନ୍ତି।

Also Read

ମାନହାନୀ କେସ୍‌ରେ ଦୋଷୀ ସାବ୍ୟସ୍ତ ହେବା ପରେ ରାହୁଲ ଗାନ୍ଧିଙ୍କ ଲୋକସଭା ସଦସ୍ୟତା ପଦ ରଦ୍ଦ ହୋଇଯାଇଥିଲା। ଏହା ବିରୋଧରେ କଂଗ୍ରେସ ପକ୍ଷରୁ ଏପ୍ରିଲ ୬ରେ ଡିଣ୍ଡିଗୁଲରେ ଗୋଟିଏ ବିକ୍ଷୋଭ ଶୋଭାଯାତ୍ରା ଆୟୋଜନ କରାଯାଇଥିଲା। ଏହାର ନେତୃତ୍ୱ ମଣିକନ୍ଦନ ନେଇଥିଲେ। ଏହି ସମୟରେ ସେ କହିଥିଲେ, “ଆମେ ଯେତେବେଳେ କ୍ଷମତାକୁ ଆସିବୁ ସେତେବେଳେ ଆମ ରାହୁଲ ଗାନ୍ଧିଙ୍କୁ ଜେଲ ପଠାଇବାକୁ ରାୟ ଦେଇଥିବା ବିଚାରପତିଙ୍କ ଜିଭ କାଟି ଦେବୁ।” ଏହାର ଭିଡିଓ କାଲି ଠାରୁ ଭାଇରାଲ ହେଉଥିବା ବେଳେ ପୁଲିସ୍‌ ତାଙ୍କ ନାଁରେ ମାମଲା ରୁଜୁ କରିଛି।

୨୦୧୯ ଲୋକସଭା ନିର୍ବାଚନ ବେଳେ ରାହୁଲ ଗାନ୍ଧି ଗୋଟିଏ ସଭାରେ ମୋଦି ସରନେମକୁ ନେଇ ବୟାନ ଦେଇଥିଲେ। ରାହୁଲଙ୍କ ବୟାନ ସମଗ୍ର ଦେଶର ମୋଦି ସରନେମଧାରୀଙ୍କ ଅପମାନ ବୋଲି ବିଜେପି ଅଭିଯୋଗ କରିଥିଲା। ଶେଷରେ ମାମଲା କୋର୍ଟରେ ପହଞ୍ଚିଥିଲା ଓ ସୁରତର ନିମ୍ନ ଅଦାଲତ ରାହୁଲ ଗାନ୍ଧିଙ୍କୁ ନିକଟରେ ଦୋଷୀ ସାବ୍ୟସ୍ତ କରି ୨ ବର୍ଷ ଜେଲଦଣ୍ଡରେ ଦଣ୍ଡିତ କରିଥିଲେ। ଏହି ରାୟ ପରେ ରାହୁଲ ଗାନ୍ଧିଙ୍କ ଲୋକସଭା ସଦସ୍ୟତା ପଦ ରଦ୍ଦ ହୋଇଥିଲା।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos