ପୁଣି ଶହେ ଉପରେ ଚିହ୍ନଟ ହେଲେ ଆକ୍ରାନ୍ତ

ଭୁବନେଶ୍ୱର(ଓଡ଼ିଶା ରିପୋର୍ଟର): ଗତକାଲି ରାଜ୍ୟରେ ଶହେ ତଳକୁ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଆଜି ପୁଣି ନୂଆ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିଛି। ଗତ ୨୪ ଘଣ୍ଟାରେ ରାଜ୍ୟରେ ୧୩୮ ଜଣ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଏଥିମଧ୍ୟରୁ ୮୧ଟି କ୍ୱାରେଣ୍ଟାଇନର ଥିବା ବେଳେ ବାକି ୫୭ଟି ଲୋକାଲ କେସ୍ ରହିଛି।

ଷ୍ଟେଟପୁଲକୁ ମଶାଇ ୨୪ଟି ଜଲ୍ଲାରୁ ନୂଆ ସଂକ୍ରମିତ ସାମ୍ନାକୁ ଆସିଛନ୍ତି। ସେଥିମଧ୍ୟରୁ କଟକ ଜିଲ୍ଲା ସବୁଠୁ ଆଗରେ ରହିଛି । ଜିଲ୍ଲାରୁ ସର୍ବାଧିକ ୨୬ଟି ନୂଆ ମାମଲା ସାମ୍ନାକୁ ଆସିଛି। ସେହିପରି ଅନୁଗୁଳରୁ ୩, ବାଲେଶ୍ୱରରୁ ୬, ବରଗଡରୁ ୭, ଭଦ୍ରକରୁ ୪, ଦେବଗଡ, ଗଜପତି ଓ ସୋନପୁରରୁ ୨ଜଣ ଲେଖାଏଁ, ଗଞ୍ଜାମରୁ ୩, ଜଗତସିଂହପୁରରୁ ୪, ଯାଜପୁରରୁ ୬, ଝାରସୁଗୁଡାରୁ ୪, କନ୍ଦୁଝରରୁ ୩, ଖୋର୍ଦ୍ଧାରୁ ୮, ମୟୂରଭଞ୍ଜରୁ ୩, ନୂଆପଡାରୁ ୧୫, ପୁରୀରୁ ୯, ସମ୍ବଲପୁରରୁ ୯, ସୁନ୍ଦରଗଡରୁ ୧୫, ବଲାଙ୍ଗିର, ବୌଦ୍ଧ, କଳାହାଣ୍ଡି, ମାଲକାନଗିରି ଓ ରାୟଗଡାରୁ ଜଣେ ଲଖାଏଁ ଚିହ୍ନଟ ହୋଇଛନ୍ତି। ସେହିପରି ଷ୍ଟେଟପୁଲରୁ ୨ଜଣ କରୋନା ସଂକ୍ରମିତ ବାହାରିଛନ୍ତି।

ଏହାକୁ ମିଶାଇ ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୩୩୪୬୬୭ରେ ପହଁଚିଛି। ସେଥିମଧ୍ୟରୁ ୧୨୮୧ଟି ଆକ୍ଟିଭ କେସ ରହିଛି। ସେହିପରି ୩୩୧୪୨୭ ସୁସ୍ଥ ହୋଇ ଘରକୁ ଫେରିଛନ୍ତି।