୧୫ ଗ୍ରାମ୍ ବ୍ରାଉନସୁଗର ଜବତ

ପୁରୀ(ଓଡିଶା ରିପୋର୍ଟର): ଜଳେଶ୍ୱରରୁରୁ ପୁରୀକୁ ଚାଲାଣ ହେଉଥିଲା ବ୍ରାଉନସୁଗର। ଖବର ପାଇ ପୁରୀ ମଙ୍ଗଳାଘାଟ ଛକରେଗାଡି ଚେକିଂ କରୁଥିବା ବେଳେ ପୁଲିସ୍‌  ଜବତ କଲା ୧୫ ଗ୍ରାମ ବ୍ରାଉନସୁଗାର। ଏଥିସହ ବ୍ରାଉନସୁଗାର ଚାଲାଣ ଅଭିଯୋଗରେ ୩ ଜଣଙ୍କୁ ଗିରଫ କରିଛି।

ପୁରୀ ମଙ୍ଗଳାଘାଟ ଛକରେ ଗାଡି ଚେକିଂ କରୁଥିବା ସମୟରେ ଦୁଇ ଜଣ ବ୍ରାଉନସୁଗର ବେପାରୀ ଓ ଜଣେ ମହିଳାଙ୍କୁ ଗିରଫ କରିଛି ବାସେଳୀସାହି ଥାନା ପୁଲିସ୍‌ । ସେମାନେ ହେଲେ ପୁରୀ ସଦରଥାନା ଖଣ୍ଡିଆବନ୍ଧର ନୃସିଂହ ମଲ୍ଲିକ, କୁମ୍ଭାରପଡା ଥାନା ନରେନ୍ଦ୍ର କୋଣର ସନ୍ତୋଷୀ ନାୟକ ଓ ବାସେଳୀସାହି ଥାନା ଅଞ୍ଚଳର ଜୟନ୍ତୀ ଭୋଇ।

ସେମାନଙ୍କ ନିକଟରୁ ପଲିଥିନ ଭିତରେ ପ୍ୟାକିଂ ଥିବା ୧୫ ଗ୍ରାମ୍ ବ୍ରାଉନସୁଗର, ନଗଦ ୫୧୦୦ ଟଙ୍କା, ଗୋଟିଏ ମୋବାଇଲ ଓ ଗୋଟିଏ ଦାମୀ ବାଇକ୍ ଜବତ କରିଛି ପୁଲିସ।

ସୂଚନା ଅନୁସାରେ, ବାସେଳୀସାହି ଥାନା ପୁଲିସ୍‌ ହରେକୃଷ୍ଣପୁରରୁ ମଙ୍ଗଳାଘାଟ ଛକ ଆଡକୁ ଆସୁଥିବା ଜଣେ ଯୁବକ ଓ ଜଣେ ଯୁବତୀଙ୍କ ଗାଡି ଚେକ୍ କରିବା ସମୟରେ ସେମାନଙ୍କ ପାଖରେ ୧୫ ଗ୍ରାମ ବ୍ରାଉନସୁଗାର ଥିବା ଜାଣିବାକୁ ପାଇଥିଲା। ଜୟନ୍ତୀ ବ୍ରାଉନସୁଗର ଯୋଗାଇ ଦେଉଥିବା ଜଣାପଡ଼ିବା ପରେ ପୁଲିସ ତାଙ୍କୁ ମଧ୍ୟ ଗିରଫ କରିଥିଲା। ଜଳେଶ୍ୱରରୁ ଏହି ବ୍ରାଉନସୁଗାର ଆସିଥିବା ଜଣାପଡିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।