ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବଲାଙ୍ଗିର(ଓଡ଼ିଶା ରିପୋର୍ଟର): ପୁଣି ଅଲୋଡ଼ା ହେଲା ଝିଅ। ଗତକାଲି ବିଳମ୍ବିତ ରାତିରେ ବଲାଙ୍ଗିର ରେଳ ଷ୍ଟେସନ୍‌ର ପରିସ୍ରାଗାରରୁ ଉଦ୍ଧାର ହୋଇଛନ୍ତି ଦୁଇଦୁଇଟି ଯାଆଁଳା ଶିଶୁକନ୍ୟା। କିଏ ଓ କାହିଁକି ଦୁଇଶିଶୁଙ୍କୁ ଏଭଳି ପରିତ୍ୟକ୍ତ ଅବସ୍ଥାରେ ଛାଡ଼ିଦେଇ ଯାଇଛି ତାହା ଏପର୍ଯ୍ୟନ୍ତ ଜଣା ପଡ଼ିନାହିଁ। ଉଦ୍ଧାର ହୋଇଥିବା ଦୁଇ ଶିଶୁ କନ୍ୟାଙ୍କୁ ସ୍ପେସାଲ ଆଡପ୍‌ସନ ଏଜେନ୍ସି ହେପାଜତରେ ରଖାଯାଇଛି।</p> <p>ପଲିଥିନ୍ ଭିତରେ ରାହା ଧରି କାନ୍ଦୁଥିଲେ ଦୁଇ ଯାଆଁଳା ଶିଶୁକନ୍ୟା। ଦୁଇଶିଶୁ କନ୍ୟାଙ୍କର ବୟସ ଦେଢ଼ରୁ ଦୁଇମାସ ହେବ। ଗୋଲପୀ ଟୋପି ଓ ନୀଳ ଛିଟ ଜାମାରେ ଖୁବ୍ ନିରୀହ ଦିଶୁଥିବା ଦୁଇ ଶିଶୁଙ୍କ ମମତାକୁ ପାସୋରି କେହି ଜଣେ ନିର୍ଦ୍ଦୟ ଛାଡ଼ି ଦେଇ ଯାଇଥିଲା ପୂତିଗନ୍ଧମୟ ପରିସ୍ରାଗାର ଭିତରେ। ଗତକାଲି ରାତି ୩ଟା ବେଳେ ଦୁଇ ଶିଶୁଙ୍କୁ ପରିତ୍ୟକ୍ତ ଅବସ୍ଥାରେ ଦେଖି ଚାଞ୍ଚଲ୍ୟ ଖେଳିଯାଇଥିଲା ବଲାଙ୍ଗିର ରେଳ ଷ୍ଟେସନ ପରିସରରେ।</p> <p><a href="">(image) </a>ଖୋଜା ପଡ଼ିଥିଲା ଶିଶୁଙ୍କ ବାପାମାଆଙ୍କୁ। କିନ୍ତୁ ଯିଏ ଝିଅ ହେଲା ବୋଲି ନିଜ ରକ୍ତକୁ ପର କରିପାରିଛି, ସେ ଆଉ ମିଳିବ କୁଆଡ଼ୁ? ଶେଷରେ ଚାଇଲ୍ଡ ଲାଇନ୍ ଅଧିକାରୀ ସେଠାରେ ପହଞ୍ଚି ଶିଶୁଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ।</p> <p>ଶିଶୁ ମଙ୍ଗଳ କମିଟି ଆଗରେ ଦୁହିଁଙ୍କୁ ଉପସ୍ଥାପନ କରାଯିବା ପରେ ସେମାନଙ୍କୁ ପୋଷ୍ୟ ସନ୍ତାନ ଗ୍ରହଣ କେନ୍ଦ୍ରରେ ରଖାଯାଇଛି। ଏଠାରେ ଦୁଇ ଶିଶୁଙ୍କ ନାଁ ଦିଆଯାଇଛି ସ୍ନେହା ଓ ସ୍ନିଗ୍ଧା।</p> <p>ନିୟମାନୁସାରେ ଦୁଇ ଶିଶୁ କନ୍ୟାଙ୍କ ସମ୍ପର୍କରେ ଖବର କାଗଜରେ ବିଜ୍ଞାପନ ଦିଆଯିବ। ଯଦି କେହି ନିଜର ପିଲା ବୋଲି ଦାବି କରନ୍ତି, ଉପଯୁକ୍ତ ପ୍ରମାଣ ଦେଇ ସେମାନେ ଦୁଇ ଶିଶୁ କନ୍ୟାଙ୍କୁ ନେଇପାରିବେ। ଯଦି ଦାବିଦାର ନ ଆସନ୍ତି, ତେବେ ୨ ମାସ ପରେ ପୋଷ୍ୟ ସନ୍ତାନ ପାଇଁ ଯୋଗ୍ୟ ଶିଶୁଙ୍କ ତାଲିକାରେ ସାମିଲ ହେବେ ସ୍ନେହା ଓ ସ୍ନିଗ୍ଧା।</p> <p>https://youtu.be/LWxGP3_T8-s</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
