୨ କୋଟି ଟଙ୍କାର ବ୍ରାଉନ୍‌ସୁଗର ଜବତ

ଭୁବନେଶ୍ୱର (ଓଡ଼ିଶା ରିପୋର୍ଟର): ବାଲେଶ୍ୱର ଜିଲ୍ଲା ଜଳେଶ୍ୱରରେ କ୍ରାଇମବ୍ରାଞ୍ଚର ସ୍ପେଶାଲ ଟାକ୍ସ ଫୋର୍ସ (ଏସ୍‌ଟିଏଫ୍‌) ଚଢ଼ାଉ କରି ୨କେଜି ବ୍ରାଉନ୍‌ସୁଗର ଜବତ କରିଛି। ଏହା ସହିତ ୩ ଜଣଙ୍କୁ ଗିରଫ କରିଛି।

ଗିରଫ ଅଭିଯୁକ୍ତମାନେ ହେଲେ ସେକ୍ ସବଜାନ୍‌, ବୀରେନ୍ଦ୍ରନାଥ ସାହୁ ଓରଫ ପିଣ୍ଟୁ ଓ କମଳ ଲୋଚନ ଦାସ।

ଜବତ ହୋଇଥିବା ବ୍ରାଉନସୁଗରର ଆନୁମାନିକ ମୂଲ୍ୟ ୨ କୋଟିରୁ ଅଧିକ ଟଙ୍କା ହେବ ବୋଲି କୁହାଯାଉଛି। ପୁଲିସ୍ ଏହି ଘଟଣାରେ ତଦନ୍ତ ଜାରି ରଖିଛି।

୨୦୨୦ରୁ ନିଶା କାରବାର ବିରୋଧରେ ଏସ୍‌ଟିଏଫ୍‌ ସ୍ୱତନ୍ତ୍ର ଅଭିଯାନ ଚଲାଇଛି। ଆଉ ଇତି ମଧ୍ୟରେ ୩୨ କେଜିରୁ ଅଧିକ ବ୍ରାଉନସୁଗର/ହେରୋଇନ୍‌ ଜବତ କରିଛି। ସେହିପରି ୬୬ କ୍ୱିଣ୍ଟାଲ (୬୬୦୦ କେଜି) ଗଞ୍ଜେଇ ମଧ୍ୟ ଜବତ କରାଯାଇଛି। ଆଉ ଏସବୁ ମାମଲାରେ ୧୦୦ରୁ ଅଧିକ ନିଶା ବ୍ୟବସାୟୀଙ୍କୁ ଗିରଫ କରାଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।