ଭଦ୍ରକ (ଓଡ଼ିଶା ରିପୋର୍ଟର): ଦିନେ ନୁହଁ କି ଦୁଇ ଦିନ ନୁହେଁ, ଆଜକୁ ଏକ ମାସ ହେବ ଗୃହବନ୍ଦୀ ଅବସ୍ଥାରେ ଅଛନ୍ତି ୩ ପରିବାର। ୮ ଦିନ ହେଲା ଅର୍ଡର ଷ୍ଟେ’ ଅର୍ଡର ଭିତରେ ସନ୍ତୁଳି ହେଉଛନ୍ତି ଘେରାବନ୍ଦୀରେ ଥିବା ପରିବାର। ନ୍ୟାୟ ନ ମିଳିବାରୁ ଶେଷରେ ୨ ଜଣ ଆତ୍ମହତ୍ୟା ଉଦ୍ୟମ କରିଛନ୍ତି।
ଏଭଳି ଘଟଣା ଘଟିଛି ଭଦ୍ରକ ଜିଲ୍ଲା ତିହିଡି ତହସିଲ ଅନ୍ତର୍ଗତ ଅଚକ ଗ୍ରାମ ପଞ୍ଚାୟତ ଅଧୀନ ନନ୍ଦପୁର ଗ୍ରାମରେ । ନନ୍ଦପୁର ଗାଁର ୩ ପରିବାରର ଲୋକଙ୍କ ପାଇଁ ଯାତାୟାତ ପାଇଁ ଥିବା ରାସ୍ତାକୁ କେହି ଜଣେ ଅବରୋଧ କରିଥିଲେ। ଜୁଲାଇ ୨୧ରୁ ଆଜି ପର୍ଯ୍ୟନ୍ତ ଏହି ପରିବାର ର ଲୋକେ ଯାତାୟାତ ପାଇଁ ବହୁ ସମସ୍ୟା ର ସମ୍ମୁଖ ହେଉଥିଲେ। ଏନେଇ ବାରମ୍ବାର ଗୁହାରୀ କଲେ ମଧ୍ୟ କୌଣସି ସୁଫଳ ମିଳିପାରୁନଥିଲା।
ତେବେ ଗଣମାଧ୍ୟମରେ ଖବର ପ୍ରସାରଣ ପରେ ରାସ୍ତାରେ ଥିବା ଘରକୁ ଭାଙ୍ଗିବା ପାଇଁ ନିଷ୍ପତି ହୋଇଥିଲା । କିନ୍ତୁ କୌଣସି କାରଣରୁ ଘରକୁ ଭଙ୍ଗାଯାଇ ପାରିନାହିଁ। ଶେଷରେ ଆଜି ତହସିଲ ଅଫିସ , ତହସିଲଦାର ଓ ପୁଲିସ ଉପସ୍ଥିତରେ ଦୁଇ ଜଣ ବିଷ ପିଇ ଥିଲେ । ଏବେ ଦୁଇ ଗୁରୁତର ଭଦ୍ରକ ମୁଖ୍ୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।
ଦେଖନ୍ତୁ କ’ଣ ଅଭିଯୋଗ ଆଣିଥିଲେ ପରିବାର-
https://www.facebook.com/OdishaReporter/videos/307075637164921/
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
