ପେଟ ଭୋକ ଆଗରେ ନାହିଁ କରୋନା ଡର, ତାମିଲନାଡ଼ୁ ଯିବା ବେଳେ ଧରାପଡ଼ିଲେ ୨୦ ଯୁବତୀ

ବଣାଇ(ରଣଜିତ ଚୌଧୁରୀ): ଜୀବିକା ପଛେ ଯାଉ, ହେଲେ ଜୀବନ ଥାଉ। ଏହା ଭାବି କରୋନା ମହାମାରୀ କାୟା ବିସ୍ତାର କରିବା ବେଳେ ସୁଦୂର ତାମିଲନାଡ଼ୁରୁ ସୁନ୍ଦରଗଡ଼ ଜିଲ୍ଲା ବଣାଇସ୍ଥିତ ନିଜ ଘରକୁ ପଳାଇ ଆସିଥିଲେ ୨୦ରୁ ଊର୍ଦ୍ଧ୍ୱ ଯୁବତୀ। ହେଲେ ଇତି ମଧ୍ୟରେ ୬ ମାସ ବିତି ଗଲାଣି। ପାଖରେ ଯାହା ଟଙ୍କା ଥିଲା ସବୁ ସରିଗଲାଣି। ଏପଟେ ପୂର୍ବାପେକ୍ଷା ଅଧିକ ଭୟଙ୍କର ଓ ଉଗ୍ର ରୂପ ଧାରଣ କରି ମାଡ଼ି ଚାଲିଛି କରୋନା। ଏପରି ସ୍ଥିତିରେ ବି ପେଟ ଭୋକ ଆଗରେ କରୋନା ଡର ମନରୁ ଦୂରେଇ ଗଲାଣି।  ନିଜ ପେଟ ପୋଷିକା ସହ ଘର ଲୋକଙ୍କ ମୁହଁରେ ଦାନା ଯୋଗାଇବାକୁ ପୁଣି ଥରେ ତାମିଳନାଡ଼ୁ ଯିବାକୁ ଘରୁ ଗୋଡ଼ କାଢ଼ି ଧରା ପଡ଼ିଛନ୍ତି ଏହି ଯୁବତୀମାନେ।

ସରକାର କାମ ଦେବାର ପ୍ରତିଶ୍ରୁତି ଦେଉଥିଲେ ମଧ୍ୟ କାମ ମିଳୁନି। ତେଣୁ ଘରୁ ଗୋଡ଼ କାଢ଼ିବାକୁ ବାଧ୍ୟ ହୋଇଥିବା କହିଛନ୍ତି ଏହି ଯୁବତୀମାନେ।  ଖବର ପାଇ କିଛି ସ୍ଥାନୀୟ ଲୋକେ ସେମାନଙ୍କୁ ପୁଲିସ୍‌ ଜିମା ଦେଇଛନ୍ତି। ପୁଲିସ ଘଟଣାସ୍ଥଳରେ ପହଞ୍ଚି ବସ୍ ଜବତ ସହିତ ଯୁବତୀମାନଙ୍କୁ ଆଣି ପଚରାଉଚରା କରୁଥିବା ଜଣାପଡ଼ିଛି।

ସେମାନଙ୍କ ମଧ୍ୟରୁ ବହୁ ଜଣଙ୍କ ବୟସ ୧୮ରୁ କମ୍‌ ଥିବା ମଧ୍ୟ ଜଣାଯାଇଛି।  ବିଭିନ୍ନ ଯୋଜନାରେ ପ୍ରବାସୀଙ୍କୁ କାମ ଯୋଗାଇ ଦେବାକୁ ସରକାର ପ୍ରତିଶ୍ରୁତି ଦେଉଥିଲେ ମଧ୍ୟ କାମ ଯୋଗାଇ ଦେବାରେ ବିଫଳ ହେଉଛନ୍ତି। ଫଳରେ ଏହି ଯୁବତୀମାନେ ଭିଟାମାଟି ଛାଡ଼ି ବାହାରକୁ ଯିବାକୁ ବାଧ୍ୟ ହେଉଛନ୍ତି। ପାଖରେ ଥିବା ଟଙ୍କା ସରିଯାଇଥିବା ବେଳେ ପେଟ ପୋଷିବା ପାଇଁ ବାହାର ରାଜ୍ୟକୁ ଯିବାକୁ ବାଧ୍ୟ ହେଉଥିବା ଏହି ଯୁବତୀମାନେ ପୁଲିସ୍‌ ଆଗରେ କହିଛନ୍ତି ।

ତଦନ୍ତ ଚାଲିଥିବା ପୁଲିସ୍‌ କୁହୁଥିବା ବେଳେ ସମ୍ପୃକ୍ତ ଯୁବତୀମାନଙ୍କ ପରିବାର ଲୋକଙ୍କୁ ଖବର ଦିଆ ଯାଇଛି । ଶ୍ରମ ଅଧିକାରୀ ଆସି ପହଞ୍ଚିବା ପରେ ତଦନ୍ତ ପରେ ଯାହା ପଦକ୍ଷେପ ନିଆଯିବ ବୋଲି ପୁଲିସ୍‌ ଅଧିକାରୀ କହିଛନ୍ତି।

ଆହୁରି ପଢ଼ନ୍ତୁ

ବୟସ୍କ ଓ ଦିବ୍ୟାଙ୍ଗ ଦେବେ ପୋଷ୍ଟାଲ ବାଲାଟରେ ଭୋଟ୍‌

ବିଧାନସଭା ଆସିଲେନି ମୁଖ୍ୟମନ୍ତ୍ରୀ, ଗୃହରେ ଉପସ୍ଥାପିତ ହେଲା ୭ଟି ବିଲ୍‌

ଭୁବନେଶ୍ୱରରୁ ୩୨୯ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୨୫୬ ଲୋକାଲ କେସ

‘କରୋନା ପଜିଟିଭ୍‌ ସେବାୟତ ଶ୍ରୀମନ୍ଦିର ଗଲେ କାର୍ଯ୍ୟାନୁଷ୍ଠାନ’

ଚାଇନା ସହ ସୀମାରେ କେମିତି ଅଛି ସ୍ଥିତି, ସୂଚନା ଦେଲେ ବାୟୁସେନା ମୁଖ୍ୟ

ଅତିରିକ୍ତ ୧୦୦ ମିଲିୟନ କରୋନା ଟିକା ପାଇଁ ସେରମର ଚୁକ୍ତି, କେତେ ଟଙ୍କା ନେବ ଜାଣନ୍ତୁ

ବଗଲା ନେଇ ହାଇକୋର୍ଟରେ ଜବାବ ରଖିଲେ ସରକାର

ଅନୁରାଗଙ୍କ ଅଡ଼ୁଆ ବଢ଼ିଲା, ପାୟଲଙ୍କୁ ମିଳିଲା କେନ୍ଦ୍ରମନ୍ତ୍ରୀଙ୍କ ସମର୍ଥନ

କେନ୍ଦ୍ରର କୃଷି ଆଇନ, ପୋଲ୍ ଖୋଲିଲା ଶିବସେନା ଏବଂ କଂଗ୍ରେସର

ଅକ୍ଚୋବର ଏକରେ ଦେଶବ୍ୟାପୀ ରେଳ ରୋକ୍ କରିବେ ଚାଷୀ

ଅଣପରିବହନ ଗାଡ଼ିକୁ ଭଡ଼ାରେ ଲଗାଉଛନ୍ତି, କଟିବ ଇ-ଚାଲାଣ

ଆସନ୍ତାକାଲିଠୁ ବିଧାନସଭା: ଆସିବ ୯ଟି ଅଧ୍ୟାଦେଶ ସମେତ ୧୬ ବିଲ୍‌