ଥାନାକୁ ଯାଉଥିବା ମହିଳାଙ୍କୁ ଅପହରଣ ଉଦ୍ୟମ; କନଷ୍ଟେବଳଙ୍କ ସମେତ ୩ ଗିରଫ

ଭୁବନେଶ୍ୱର (ଓଡ଼ିଶା ରିପୋର୍ଟର): ଥାନାକୁ ଅଭିଯୋଗ ଜଣାଇବାକୁ ଆସୁଥିବା ଜଣେ ମହିଳାଙ୍କୁ ଅପହରଣ ଉଦ୍ୟମ ଅଭିଯୋଗରେ ପୁଲିସ୍‌ ଜଣେ କନଷ୍ଟେବଳଙ୍କ ସମେତ ୩ ଜଣଙ୍କୁ ଗିରଫ କରିଛି। ରାଜଧାନୀର ସହିଦ ନଗର ଅଞ୍ଚଳରେ ଗତକାଲି ରାତିରେ ଏପରି ଘଟଣା ଘଟିଯାଇଛି। ଗିରଫ କନଷ୍ଟେବଳ ଜଣଙ୍କ ଓଡ଼ିଶା ଆର୍ମଡ ପୁଲିସରେ କାର୍ଯ୍ୟରତ ଅଛନ୍ତି।

ମିଳିଥିବା ସୂଚନା ଅନୁସାରେ, ଗତକାଲି ରାତି ପ୍ରାୟ ସାଢ଼େ ୧୦ଟା ସମୟରେ ସହିଦନଗର ଅଞ୍ଚଳର ଜଣେ ମହିଳା ସହିଦନଗର ଥାନାକୁ  ଅଭିଯୋଗ ଜଣାଇବା ନିମନ୍ତେ ଏକୁଟିଆ ଚାଲିଚାଲି ଆସୁଥିଲେ। ଏହି ସମୟରେ ଏକ  ଅଟୋରେ ଜଣେ କନଷ୍ଟେବଳଙ୍କ ସମେତ ତିନି ଜଣ ବ୍ୟକ୍ତି  ସେଠାରେ ପହଞ୍ଚିଥିଲେ। ସମ୍ପୃକ୍ତ ମହିଳାଙ୍କ ସହ କଥା ହୋଇ ତାଙ୍କୁ  ଥାନାରେ ପହଞ୍ଚାଇ ଦେବେ ବୋଲି କହିଥିଲେ।

ଏହାପରେ ମହିଳା ଜଣକ ସେମାନଙ୍କ ସହ ଅଟୋରେ ବସିଥିଲେ। କିନ୍ତୁ ଉକ୍ତ ଯୁବକମାନେ ସଂପୃକ୍ତ ମହିଳାଙ୍କୁ ଥାନାକୁ ନ ନେଇ ଖଣ୍ଡଗିରି ଓ ଚନ୍ଦକାର ବିଭି଼ନ୍ନ ଅଞ୍ଚଳରେ ବୁଲାଇଥିଲେ। ଅଟୋରେ ସେମାନେ ଜୋରଜବରଦସ୍ତି ଭାବେ ମହିଳାଙ୍କ ସହ ଅସଦାଚରଣ କରିଥିବା ଅଭିଯୋଗ ହୋଇଛି।

ପରେ ସେମାନେ ଅଟୋରେ ମହିଳାଙ୍କୁ ନେଇ ସହିଦନଗର ଆସିଥିଲେ।  ଗାଡ଼ିଟି ସହିଦ ନଗର ଥାନା ନିକଟରେ ଯାଉଥିବା ବେଳେ ମହିଳାଜଣକ  ଗାଡ଼ିରୁ ଡେଇଁ ପଡ଼ି ଜୋରରେ ଚିତ୍କାର କରିଥିଲେ। ଏହା ଶୁଣି  ଥାନା ନିକଟରେ ଥିବା ଲୋକେ ଦୌଡ଼ି ଆସି କନଷ୍ଟେବଳଙ୍କ ସମେତ ତିନି ଜଣଙ୍କୁ କାବୁ କରି ନେବା ସହ ମହିଳାଙ୍କୁ ଉଦ୍ଧାର କରିଥିଲେ। ପୁଲିସ୍‌ କନଷ୍ଟେବଳଙ୍କ ସମେତ ତିନି ଜଣଙ୍କୁ ଗିରଫ କରି  କୋର୍ଟଚାଲାଣ କରିଛି। 

ତେବେ ଗିରଫ କନଷ୍ଟେବଳଙ୍କର ଗତକାଲି ଖଣ୍ଡଗିରି ଥାନାରେ ସାଢ଼େ ନଅଟାରୁ ସକାଳ ସାଢ଼େ ସାତଟା ଯାଏ ଡ୍ୟୁଟି ରହିଥିଲା ବୋଲି ସୂଚନା ମିଳିଛି।

ଆହୁରି ପଢ଼ନ୍ତୁ

ନ୍ୟାସନାଲ ବାମ୍ୱୋ ମିଶନରେ ଓଡ଼ିଶାକୁ ୩ ବର୍ଷରେ ମିଳିଛି ୬.୭୭ କୋଟି

ଅନଲକ-୫: ଏଣିକି ସାଧାରଣ ସମାବେଶରେ ୧୦୦ ଲୋକଙ୍କୁ ଅନୁମତି

କୋଭିଡ୍ ହସ୍ପିଟାଲ: କିଏ ସତ- ମୁଖ୍ୟମନ୍ତ୍ରୀ ନା ସ୍ୱାସ୍ଥ୍ୟମନ୍ତ୍ରୀ?

କରୋନା ପରିଚାଳନାରେ ଅବ୍ୟବସ୍ଥା ନେଇ ବର୍ଷିଲେ ବିରୋଧୀ

ଅକ୍ଟୋବରରେ ବି ଶନିବାର ବନ୍ଦ ରହିବ ସବୁ ସରକାରୀ ଅଫିସ୍

ଦୁର୍ଗା ମୂର୍ତ୍ତି ଉଚ୍ଚତା କେତେ ହେବ? ଅକ୍ଟୋବର ୯କୁ ଘୁଞ୍ଚିଲା ଶୁଣାଣି

ଉପନିର୍ବାଚନ ପାଇଁ କମିଟି ଗଢ଼ିଲା ବିଜେପି

କଳାହାଣ୍ଡିକୁ କେବେ ମିଳିବ ‘ଇନ୍ଦ୍ରାବତୀ’ର ବିଜୁଳି ?

ହାଲୋ ରାଉରକେଲା…ମୁଁ କରୋନା କହୁଛି…

‘ସରକାର ଯଦି ବିଫଳ, ତା’ହେଲେ କରୋନା ଆକ୍ରାନ୍ତ ସୁସ୍ଥ ହେଉଛନ୍ତି କିପରି?’

ଚାନ୍ଦିପୁର କ୍ଷେପଣାସ୍ତ୍ର ଘାଟିରୁ ବ୍ରହ୍ମୋସର ପରୀକ୍ଷଣ

ରାଜ୍ୟରେ କରୋନାରେ ଆଉ ୧୪ ଜଣଙ୍କ ମୃତ୍ୟୁ