ଭୁବନଶ୍ୱର: ଶୁକ୍ରବାର ଭଦ୍ରକରେ ଆହୁରି ୪ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏଥିସହ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୯୪ରେ ପହଞ୍ଚିଛି। ଏ ସମସ୍ତ ଆକ୍ରାନ୍ତ ପଶ୍ଚିମବଙ୍ଗ ଫେରନ୍ତା। ପୂର୍ବରୁ ଭଦ୍ରକ ସମେତ ବାଲେଶ୍ୱର ଓ ଯାଜପୁରରେ ସଟ୍ଡାଉନ୍ ଜାରି କରାଯାଇଛି। ସରକାର ଏହି ୩ ଜିଲ୍ଲାରେ ପରୀକ୍ଷାର ମାତ୍ରା ବ୍ୟାପକ କରିଛନ୍ତି।
ରାଜ୍ୟ ସୂଚନା ଓ ପ୍ରସାରଣ ବିଭାଗର ତଥ୍ୟ ଅନୁଯାୟୀ ୪ ଜଣଙ୍କ ମଧ୍ୟରୁ ୨ ଜଣ ଧାମନଗର ବ୍ଲକ୍ର ହୋଇଥିବାବେଳେ ଆଉ ୨ ଜଣ ତିହିଡ଼ି ବ୍ଲକ୍ର। ଏ ସମସ୍ତ ଆକ୍ରାନ୍ତ ପୁରୁଷ ବୋଲି ଜଣାପଡ଼ିଛି।
https://twitter.com/IPR_Odisha/status/1253637366792798209?s=20
୪ ଜଣ ଆକ୍ରାନ୍ତଙ୍କ ବୟସ ଯଥାକ୍ରମେ ୪୦, ୨୯, ୪୧ ଏବଂ ୨୪ ବର୍ଷ ବୋଲି ଜଣାପଡ଼ିଛି। ବର୍ତ୍ତମାନ ପ୍ରଶାସନ ପକ୍ଷରୁ କଣ୍ଟାକ୍ଟ ଟ୍ରାସିଂ ଆରମ୍ଭ ହୋଇସାରିଛି। ଭଦ୍ରକରେ ଏଯାଏ ୧୬ ଜଣ ଆକ୍ରାନ୍ତ ଚିହ୍ନଟ ହେଲେଣି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
