ଏମିତି ଥିଲେ ଦୁର୍ଦ୍ଧର୍ଷ ବିଜୁବାବୁ : ୭୦ ବର୍ଷ ତଳେ ପାକ୍‌ ସେନା ବଳୟରେ ଭାରତୀୟ ସେନାଙ୍କୁ କରିଥିଲେ ଏୟାର ଡ୍ରପ୍‌

<p>ଭୁବନେଶ୍ୱର: ୧୯୪୭ ଅକ୍ଟୋବର ୨୭ରେ ଭାରତୀୟ ପଦାତିକ ସେନାର ପ୍ରଥମ ଅପରେସନ୍ ସ୍ମୃତିରେ ୭୦ତମ ଇନ୍&zwnj;ଫାଣ୍ଟ୍ରି ଡେ ବା ପଦାତିକ ସେନା ଦିବସ ପାଳନ କରିଛି ଭାରତୀୟ ସେନା । &nbsp;ଏହି ଦିନ ଲେଫ୍ଟନାଣ୍ଟ କର୍ଣ୍ଣେଲ୍ ଦିଓ୍ୱାନ୍ ରଣଜିତ ରାୟଙ୍କ ନେତୃତ୍ୱରେ ପ୍ରଥମ ଶିଖ୍ ରେଜିମେଣ୍ଟ ଶ୍ରୀନଗରରେ ପହଞ୍ଚି ପାକିସ୍ତାନ ସେନା ବିପକ୍ଷରେ ଯୁଦ୍ଧ ଆରମ୍ଭ କରିଥିଲା। &nbsp;&nbsp;ତେବେ ଏହି ସଫଳତାର ପ୍ରଚ୍ଛଦପଟରେ ରହିଛି ପ୍ରବାଦପୁରୁଷ ବିଜୁ ପଟ୍ଟନାୟକଙ୍କ ଅଦମ୍ୟ ସାହସ ଓ ଦେଶଭକ୍ତିର ଗାଥା।&nbsp; ପ୍ରଥମ ଶିଖ୍ ରେଜିମେଣ୍ଟକୁ ଦିଲ୍ଲୀ ପାଲମ୍ ଏୟାରପୋର୍ଟରୁ ଏୟାର୍ ଲିଫ୍ଟ କରି ଶ୍ରୀନଗରରେ ପହଞ୍ଚାଇବାର ଗୁରୁଦାୟିତ୍ୱ ନିର୍ବାହ କରିଥିଲେ ବିଜୁବାବୁ ।</p><p>&lt;span style=&quot;color: #ff0000;&quot;&gt;କ&rsquo;ଣ ଥିଲା ଘଟଣାଚକ୍ର&lt;/span&gt;</p><p>୧୯୪୭ ଅକ୍ଟୋବରରେ &nbsp;ସ୍ୱତନ୍ତ୍ର ପ୍ରଦେଶ ଜାମ୍ମୁ ଓ କାଶ୍ମୀରରେ ଲାଗିରହିଥାଏ ଅସ୍ଥିରତା। &nbsp;&nbsp;ମହାରାଜା ହରି ସିଂଙ୍କ ରାଜୁତିକୁ ଚାଲେଞ୍ଜ କରି ୨ ମାସ ତଳେ ଜନ୍ମ ନେଇଥିବା ପାକିସ୍ତାନ ଜୋରଦାର ଚେଷ୍ଟା ଚଳାଇଥାଏ ରାଜ୍ୟକୁ ନିଜ ଅକ୍ତି ଆରକୁ ନେବାକୁ । &nbsp;ପାକିସ୍ତାନୀ ସେନା ସହଯୋଗରେ ପସ୍ତୁନ ଆଦିବାସୀ ଆତଙ୍କବାଦୀ ଆଗରେ ଦୁର୍ବଳ ହୋଇପଡୁଥାନ୍ତି ମହାରାଜା ହରି ସିଂଙ୍କ ସୈନ୍ୟବାହିନୀ।&nbsp; ଧୀରେ ଧୀରେ ପରିସ୍ଥିତି ଏତେ ଅଣାୟତ୍ତ ହୋଇପଡ଼ିଲା ଯେ, ରାଜଧାନୀ ଶ୍ରୀନଗର କବ୍ଜା କରିବାକୁ ପାକିସ୍ତାନ ସେନାକୁ ବାକିଥିଲା ଆଉ ମାତ୍ର ୩୦ କିଲୋମିଟର। &nbsp;ଶେଷରେ ବାଧ୍ୟ ହୋଇ, ଭାରତ ସରକାରଙ୍କ ସାହାଯ୍ୟ ଲୋଡ଼ିଲେ ହରି ସିଂ। &nbsp;&nbsp;ତତ୍କାଳୀନ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କୁ ଅନୁରୋଧ କଲେ ହରି ସିଂ। &nbsp;ସେନା ପଠାଇ&nbsp; ଶ୍ରୀନଗର ରକ୍ଷା କରିବାକୁ ଅନୁରୋଧ କଲେ।</p><p>&lt;span style=&quot;color: #ff0000;&quot;&gt;ବିଜୁ ପଟ୍ଟନାୟକଙ୍କ ସାହସିକତା&lt;/span&gt;</p><p>ଏଭଳିଘଡ଼ିସନ୍ଧି ମୁହୂର୍ତ୍ତରେ ପ୍ରବାଦପୁରୁଷ ତଥା ଦୁର୍ଦ୍ଧର୍ଷ ପାଇଲଟ୍ ବିଜୁ ପଟ୍ଟନାୟକଙ୍କ ଭୂମିକା ଥିଲା ଅତୁଳନୀୟ। &nbsp;ଭାରତୀୟ ସେନାଙ୍କୁ ଏୟାରଲିଫ୍ଟ କରି ପାକିସ୍ତାନୀ ଶତ୍ରୁ ବଳୟ ଭିତରେ ପଶି ଶ୍ରୀନଗରରେ ପହଞ୍ଚାଇବାର ଗୁରୁଦାୟିତ୍ୱ ନେଲେ ବିଜୁ ବାବୁ। &nbsp;ଅକ୍ଟୋବର ୨୭, ୧୯୪୭ରେ ହେଲା ଏହି ଦୁଃସାହସିକ ଅଭିଯାନ।&nbsp; ସୂର୍ଯ୍ୟ ଉଇଁବା ଆଗରୁ ଡିସି-ଥ୍ରୀ ଡାକୋଟା ବିମାନ ଧରି ଦିଲ୍ଲୀ ପାଲାମ ଏୟାରପୋର୍ଟରୁ ଶ୍ରୀନଗର ଅଭିମୁଖେ ବାହାରିଲେ ବିଜୁ ବାବୁ । ପ୍ରତିପକ୍ଷର ରାର୍ଡାରକୁ ଚକ୍&zwnj;ମା ଦେଇ ଓ ଗୁଳିଗୋଳାକୁ ଖାତିର ନ କରି ସଫଳତାର ସହ ଶିଖ୍ ରେଜିମେଣ୍ଟର ଯବାନଙ୍କୁ &nbsp;ଭୋରରୁ ଭୋରରୁ ପହଞ୍ଚାଇ ଦେଇଥିଲେ ଶ୍ରୀନଗରରେ । &nbsp;ଏହାପରେ ଭାରତୀୟ ସେନାର ପଲ୍ଲା ଭାରି ହୋଇଥିଲା। &nbsp;ଆଉ ଏହି ଅଭିଯାନ ବାଟ କଢ଼ାଇଥିଲା ଭାରତରେ ଜାମ୍ମୁ-କାଶ୍ମୀର ମିଶ୍ରଣ ପାଇଁ।</p><p>&lt;span style=&quot;color: #ff0000;&quot;&gt;ମନେପକାଇଲେ ନବୀନ, ବୈଜୟନ୍ତ&lt;/span&gt;</p><p>ବିଜୁବାବୁଙ୍କ ଏହି ବୀରତ୍ୱର ଗାଥାକୁ ମନେପକାଇ ଇନ୍&zwnj;ଫାଣ୍ଟ୍ରି ଡେ ଅବସରରେ ଟ୍ୱିଟ୍&zwnj; କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ&nbsp; ସେ ଲେଖିଛନ୍ତି କାଶ୍ମୀରକୁ ରକ୍ଷା କରିବାରେ ବିଜୁବାବୁଙ୍କ ଭୂମିକା କିମ୍ବଦନ୍ତୀମୂଳକ। &nbsp;&nbsp;ସାଂସଦ ବୈଜୟନ୍ତ ପଣ୍ଡା ମଧ୍ୟ ଟ୍ୱିଟ୍&zwnj; କରିଛନ୍ତି ଯେ, ଶ୍ରୀନଗରରେ ପହଞ୍ଚିଥିବା ପ୍ରଥମ ବିମାନକୁ ବିଜୁବାବୁ ଉଡ଼ାଇଥିଲେ । ଆମେ ତାଙ୍କ ପାଖରେ ଚିର ଋଣୀ ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।