ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରରୁ ଆହୁରି ୮୭ ଜଣ କରୋନା ପଜିଟିଭ୍ ଚିହ୍ନଟ କରାଯାଇଛି। ଏମାନଙ୍କ ମଧ୍ୟରୁ କ୍ୱାରେଣ୍ଟିନରୁ ୪୧ ଚିହ୍ନଟ ହୋଇଥିବା ବେଳେ ଲୋକାଲ କେସ୍ ସଂକ୍ରମଣ ସଂଖ୍ୟା ୪୬ ରହିଛି। ସେହିଭଳି ୩୭ ଜଣ ସୁସ୍ଥ ହୋଇଛନ୍ତି।
https://twitter.com/bmcbbsr/status/1284452824235954182?s=20
ଲୋକାଲ୍ କେସ୍ ମଧ୍ୟରୁ ନୟାପଲ୍ଲୀ ତ୍ରିନାଥ ନଗର ବସ୍ତିରୁ ୪ ଲୋକାଲ କଣ୍ଟାକ୍ଟ କେସ୍ ଚିହ୍ନଟ କରାଯାଇଛି। ସେହିଭଳି ଗୌତମନଗର ହରିହର ଏନ୍କ୍ଲେଭରୁ ୩ ଜଣ, ଗଙ୍ଗନଗର ପିଚୁ ପଡ଼ିଆ ବସ୍ତିରୁ ୨ ଏବଂ ଶୈଳଶ୍ରୀ ବିହାରରୁ ୨ ଚିହ୍ନଟ କରାଯାଇଛି। ଦୂରଦର୍ଶନ କେନ୍ଦ୍ର ପାଖରେ ଥିବା ଘରୋଇ ହସ୍ପିଟାଲର ୨ କର୍ମଚାରୀ ପଜିଟିଭ ରହିଥିବା ସୂଚନା ମିଳିଛି।
କାନନବିହାର ଫେଜ୍-୧ରେ ଗୋଟିଏ ପରିବାରରୁ ୬ ପଜିଟିଭ ଚିହ୍ନଟ ହୋଇଛନ୍ତି। ସେହିଭଳି ନୟାପଲ୍ଲୀ ବ୍ରିଟ କଲୋନୀରୁ ୩, ବିଜେବି ନଗରରୁ ୩ ଜଣ, ଡମଣାରୁ ୩ ଜଣ, ଲକ୍ଷ୍ମୀସାଗରରୁ ୨ଜଣ ଏବଂ ମୈତ୍ରୀବିହାରରୁ ୨ ଜଣ ପଜିଟିଭ ଚିହ୍ନଟ ହୋଇଛନ୍ତି।
ଏଥିସହିତ ଭୁବନେଶ୍ୱରରେ କରୋନା ଆକ୍ରାନ୍ତଙ୍କ ସଂଖ୍ୟା ୧୧୩୦କୁ ବୃଦ୍ଧି ପାଇଛି। ଏମାନଙ୍କ ମଧ୍ୟରୁ ଏଯାଏ ୪୯୪ ଜଣ ସୁସ୍ଥ ହୋଇଥିବା ବେଳେ ୧୧ ଜଣ ପ୍ରାଣ ହରାଇଛନ୍ତି। ବର୍ତ୍ତମାନ ମଧ୍ୟ ଭୁବନେଶ୍ୱରରେ ୬୨୪ ଆକ୍ଟିଭ୍ କେସ୍ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
