ବାଲିଗୁଡ଼ା(ଅଜିତ ନାୟକ): ସିଆରପିଏଫ ଯବାନ ପୋଷାକ ପିନ୍ଧି ନକଲି ବନ୍ଧୁକ ଦେଖାଇ ଲୁଟୁତରାଜ ଚଳାଇଥିବା ଏକ ଗ୍ୟାଙ୍ଗକୁ କାବୁ କରିଛି କନ୍ଧମାଳ ଜିଲ୍ଲାର ତୁମୁଡିବନ୍ଧ ପୁଲିସ୍। ଗ୍ୟାଙ୍ଗର ୯ ଅଭିଯୁକ୍ତଙ୍କୁ ପୁଲିସ୍ ଗିରଫ କରିଛି। ସେମାନଙ୍କ ନିକଟରୁ ୧୩ଟି ମୋବାଇଲ, ଗୋଟିଏ ବାଇକ, ନଗଦ ୧୨ ହଜାର ଟଙ୍କା, ଗୋଟିଏ ନକଲି ବନ୍ଧୁକ, ୨ ସିଆରପିଏଫ ଯବାନଙ୍କ ପୋଷାକ ଓ ମାରଣାସ୍ତ୍ର ଜବତ କରିଛି ।
ସୂଚନାଯୋଗ୍ୟ, କୋଟଗଡ ନିକଟ ମାଦାଗୁଡା ନିକଟରେ ଗତ କିଛି ଦିନ ଧରି ରାତି ଅଧରେ ବାଇକ୍ ଆରୋହୀ ଓ ଟ୍ରକ ଡ୍ରାଇଭରଙ୍କୁ ଟାର୍ଗେଟ କରି ଲୁଟୁଥିଲେ ଏହି ଗ୍ୟାଙ୍ଗ ସଦସ୍ୟ । ଏହାପରେ ଏହି ଗ୍ୟାଙ୍ଗକୁ ଧରିବାକୁ ତୁମୁଡିବନ୍ଧ ପୁଲିସ୍ ଜାଲ ବିଛାଇଥିଲା। ଗତ ସୋମବାର ରାତିରେ ମାଦାଗୁଡା ନିକଟରେ ଲୁଟ୍ କରିବାକୁ ଏହି ଗ୍ୟାଙ୍ଗର ସଦସ୍ୟମାନେ ଛିଡ଼ା ହୋଇଥିବା ବେଳେ ପୁଲିସ୍ ୯ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି । ଏହି ସବୁ ଗ୍ୟାଙ୍ଗର ସମସ୍ତ ସଦସ୍ୟ ତୁମୁଡିବନ୍ଧର ବୋଲି ପୁଲିସ୍ କହିଛି ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
