Bike Loot: ପାର୍କରେ ପ୍ରେମିକା ସହିତ ବସିଥିବା ବେଳେ ବାଇକ୍‌ ଚୋରକୁ ଧରିଲା ପୁଲିସ

ବାଇକ୍ ଚୋରି କରିବା ଅଭିଯୋଗରେ ମଙ୍ଗଳବାର ଜଣେ ଯୁବକଙ୍କୁ ଅଟକ ରଖିଛି ଭୁବନେଶ୍ୱରର ମୈତ୍ରୀ ବିହାର ଥାନା ପୁଲିସ। ଇନ୍ଦିରା ଗାନ୍ଧୀ ପାର୍କରୁ ତାଙ୍କୁ ଧରିଥିଲା ପୁଲିସ। 

ଗତ ୨୨ ତାରିଖ ରାତି ପ୍ରାୟ ୩ଟା ବେଳେ ସାଲିଆ ସାହିରେ ଏକ ଘରୁ ବାଇକ୍‌ଟି ଚୋରି ହୋଇଥିଲା। ଘରର ତାଲା ଭାଙ୍ଗି ଗାଡ଼ିଟିକୁ ନେଇ ଯାଇଥିଲେ ଅଭିଯୁକ୍ତ ଯୁବକ।  

ଏନେଇ ବାଇକ୍‌ ମାଲିକ ମୈତ୍ରୀ ବିହାର ଥାନାରେ ଏତଲା ଦେଇଥିଲେ। ଏହା ପରେ ପୁଲିସ ତଦନ୍ତ ଆରମ୍ଭ କରିଥିଲା। ଘଟଣାର ସିସିଟିଭି ଭିଡିଓ ସାମ୍ନାକୁ ଆସିଛି। 

ବାଇକ୍‌ ଚୋରି କରିବା ପରେ ଗର୍ଲଫ୍ରେଣ୍ଡକୁ ପଛରେ ବସାଇ ଭୁବନେଶ୍ୱର ସାରା ତିନି ଦିନ ହେଲାଣି ଧୂମ୍ ବୁଲିଥିଲା ଅଭିଯୁକ୍ତ। ଆଜି ଇନ୍ଦିରା ଗାନ୍ଧୀ ପାର୍କରେ ଗର୍ଲଫ୍ରେଣ୍ଡ ସହିତ ବସିଥିବା ବେଳେ ପୁଲିସ୍‌ର ଏକ ଟିମ୍ ତାଙ୍କୁ ଧରିଥିଲେ।

ବାଇକ୍‌ ମାଲିକଙ୍କ କହିବା ଅନୁଯାୟୀ ଗାଡ଼ିର ଷ୍ଟିକରିଂକୁ ବଦଳାଇ ଦେଇଛନ୍ତି ଅଭିଯୁକ୍ତ।