ରାଇରଙ୍ଗପୁର (ରାଜେଶ କୁମାର ଶର୍ମା): କଲରାପତରିଆ ବାଘ ଚମରା ବିକ୍ରି କରିବା ପାଇଁ ଯାଉଥିବା ବେଳେ ଧରାପଡ଼ିଛି। ବନ ବିଭାଗ ଏହି ଘଟଣାରେ ଜଣକୁ ଗିରଫ କରିଥିବା ବେଳେ ଅନ୍ୟ ୨ ଜଣ ଫେରାର ହୋଇଯାଇଛନ୍ତି। ଅଭିଯୁକ୍ତଙ୍କୁ ଗିରଫ କରିବା ପାଇଁ ରାଇରଙ୍ଗପୁର ବନ ବିଭାଗର ଅଧିକାରୀମାନେ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି।
ମୟୂରଭଞ୍ଜ ଜିଲ୍ଲା ବଡ଼ବାଲିଚୁଆ ଗାଁର ଲକ୍ଷ୍ମଣ ନାଏକ ଗୋଟିଏ କଲରାପତରିଆ ବାଘ ଚମଡାକୁ ବିକ୍ରି କାରିବା ପାଇଁ ଦୁଇ ଜଣ ସାଙ୍ଗଙ୍କ ସହ ବାଇକ୍ରେ ଯାଉଥିଲେ। ଏ ସମ୍ପର୍କରେ ବନ ବିଭାଗ କର୍ମଚାରୀମାନେ ଜାଣିପାରି ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲେ। ଏହାର ସୁଯୋଗ ନେଇ ସାଙ୍ଗମାନେ ଘଟଣାସ୍ଥଳରୁ ଚମ୍ପଟ ମାରିଥିଲେ। ବନ ବିଭାଗ ଲକ୍ଷ୍ମଣଙ୍କୁ ଗିରଫ କରିଥିବା ବେଳେ ବାଘ ଚମଡା ଓ ଏକ ନମ୍ୱରବିହୀନ ବାଇକ୍ ଜବତ କରିଛି। ଚମ୍ପଟ ମାରିଥିବା ଅଭିଯୁକ୍ତଙ୍କୁ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
