ଜଗତସିଂହପୁର: ଆଜି ଜଗତସିଂହପୁର ଜିଲ୍ଲାର ଖରିପଡ଼ିଆରୁ ପୁରୀ ଅଭିମୁଖେ ଜଗତର ନାଥ ଜଗନ୍ନାଥଙ୍କ ଦାରୁ ଶଗଡ଼ି ଯାତ୍ରା ଆରମ୍ଭ କରିବାକୁ ସ୍ଥିର ହୋଇଥିଲା। ପ୍ରସ୍ତୁତି ଶେଷ ହୋଇନପାରିବାରୁ ଶେଷ ମୁହୂର୍ତ୍ତରେ ଏହି ନିଷ୍ପତ୍ତି ନିଗଲା ବୋଲି ବନଯୋଗ ଦଳପତି ହଳଧର ଦାସମହାପାତ୍ର ସୂଚନା ଦେଇଛନ୍ତି।
ଶ୍ରୀଜଗନ୍ନାଥଙ୍କ ମୁଖ୍ୟ ବାଡ଼ଗ୍ରାହୀ ଜଗନ୍ନାଥ ସ୍ୱାଇଁ ମହାପାତ୍ର ଗତକାଲି କହିଥିଲେ ଯେ, ମେ’ ୧୩ରେ ଶ୍ରୀଜନ୍ନାଥଙ୍କ ଦାରୁ ଶଗଡି ପୁରୀ ଅଭିମୁଖେ ଯାତ୍ରା ଆରମ୍ଭ କରିବ। ଏଥିପାଇଁ ସମସ୍ତ ପ୍ରସ୍ତୁତି ପ୍ରାୟତଃ ଶେଷ ହୋଇଯାଇଛି। ଦିବ୍ୟଦାରୁଙ୍କ ଚଉପଟ କାମ ପ୍ରାୟ ଶେଷ ହୋଇଯାଇଛି। ଶଗଡ଼ି ନିର୍ମାଣ କାର୍ଯ୍ୟ ବି ଶେଷ ପର୍ଯ୍ୟାୟରେ ପହଞ୍ଚିଛି। ଚଉପଟି କାମ ଶେଷ ହେବା ପରେ ଦାରୁଙ୍କୁ ପାଟବସ୍ତ୍ରରେ ଆବରଣ କରି ଶଗଡ଼ିରେ ବିଜେ କରାଯିବ। ରୀତିନୀତି ସଂପନ୍ନ ପରେ ଅପରାହ୍ଣ ପ୍ରାୟ ୫ଟା ବେଳେ ଦାରୁ ଶଗଡ଼ି ଖରିପଡ଼ିଆରୁ ବାହାରିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
