ଅପରାହ୍ଣରେ ରାମକୁମାରପୁରରୁ ଗଡିବ ସୁଭଦ୍ରାଙ୍କ ଦାରୁ ଶଗଡି

ଭୁବନେଶ୍ୱର:ଶ୍ରୀକ୍ଷତ୍ର ଅଭିମୁଖେ ଗଡିବ ଦେବୀ ସୁଭଦ୍ରାଙ୍କ ଦିବ୍ୟଦାରୁ। ଅଢଙ୍ଗଗଡ ଛାଡିବା ପରେ ଗତକାଲି ରାମକୁମାରପୁରରେ ରାତ୍ରୀଯାପନ କରିଛନ୍ତି ଦାରୁ ଶଗଡି। ଗତକାଲି ଅପରାହ୍ଣରେ ଅଢଙ୍ଗଗଡରୁ ଗଡିଥିଲା ଏହି ଦାରୁ ଶଗଡି। ହରିବୋଲ ହୁଳହୁଳି ଧ୍ୱନୀରେ ପ୍ରକମ୍ପିତ ହୋଇଉଠିଥିଲା ପୂରା ପରିବେଶ। ଦାରୁଙ୍କୂ ପାଟବସ୍ତ୍ର ଆବରଣ କରି ଶଗଡିରେ ବିଜେ କରାଯାଇଥିଲା। ବିଲ ଭିତରେ ଦାରୁ ସ୍ଥଳକୁ ନବନିର୍ମିତ ଅସ୍ଥାୟୀ ରାସ୍ତାଦେଇ କେନାଲ ରାସ୍ତାକୁ ଉଠିଥିଲା ଦାରୁ ଶଗଡି। ସେଠାରୁ ପାରାଦ୍ୱୀପ କଟକ ରାସ୍ତାରେ ମାନପୁରଠାରେ ପହଞ୍ଚିଥିଲେ। ମାନପୁରଠାରୁ କଟକ ଅଭିମୁଖେ ଯାତ୍ରା କରି ରାମକୁମାରପୁରଠାରେ ପହଞ୍ଚିଥିଲେ।