କଟକ: ସିଏମ୍ସି ପକ୍ଷରୁ ଆସନ୍ତାକାଲିଠାରୁ ଯୋବ୍ରା ଜଣ୍ଡିସ ପ୍ରଭାବିତ ଅଞ୍ଚଳରେ ଜବରଦଖଲ ଉଚ୍ଛେଦ ଆରମ୍ଭ କରାଯିବ। ବିପର୍ଯ୍ୟସ୍ତ ପରିମଳ ବ୍ୟବସ୍ଥା ଜଣ୍ଡିସର ମୁଖ୍ୟ କାରଣ ବୋଲି ନଗର ଉନ୍ନୟନ ସଚିବ କହିବା ପରେ ସିଏମ୍ସି ପକ୍ଷରୁ ତତ୍ପରତା ପ୍ରକାଶ ପାଇଛି। ଡ୍ରେନ ଅବରୋଧ କରି ଗଢି ଉଠିଥିବା ଘର ଓ ଦୋକାନଗୁଡିକୁ ଆସନ୍ତାକାଲିଠାରୁ ଉଚ୍ଛେଦ କରାଯିବ। ପୁଣି ଜବରଦଖଲ କରାଗଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସିଏମସି କମିଶନର କହିଛନ୍ତି। ଏହାସହ ଯେଉଁମାନଙ୍କର ପାଇଖାନା ନାହିଁ, ଶୀଘ୍ର ନିର୍ମାଣ କରିବାକୁ ନିର୍ଦ୍ଦେଶ ଦିଆଯାଇଛି।
ସିଏମ୍ସି କମିଶନର ଜ୍ଞାନରଞ୍ଜନ ଦାସ କହିଛନ୍ତି, “ଗତ ୩ ଦିନ ହେବ ଯୋବ୍ରା ଅଞ୍ଚଳରେ ଯାଞ୍ଚ କରୁଛୁ। ବହୁ ସ୍ଥାନରେ ଡ୍ରେନ ସଫା ହୋଇପାରୁନାହିଁ। ଡ୍ରେନକୁ ଜବରଦଖଲ କରାଯାଇ ଘର ନିର୍ମାଣ କରାଯିବା ସହ, ଦୋକାନ ବି କରାଯାଇଛି। ଆଜି ଜବରଦଖଲ ଉଚ୍ଛେଦ କରାଯିବାକୁ ସ୍ଥିର ହୋଇଥିଲା। ହେଲେ ଫୋର୍ସ ନ ମିଳିବାରୁ ଉଚ୍ଛେଦ ପ୍ରକ୍ରିୟା ଆସନ୍ତାକାଲି କରାଯିବ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।