ଭୁବନେଶ୍ୱର: ଭୁବନେଶ୍ୱର ନାଇଜରର ୧୩୦ଟି ସିଟ୍ ପାଇଁ ଆସନ୍ତାକାଲି ପ୍ରବେଶିକା ପରୀକ୍ଷା ନ୍ୟାସନାଲ ଏଲିଜିବିଲିଟି ସ୍କ୍ରିନିଂ ଟେଷ୍ଟ ବା ‘ନେଷ୍ଟ’ ଅନୁଷ୍ଠିତ ହେବ। । ଏଥିପାଇଁ ଦେଶର ୫୪ଟି ସହରରେ ୧୦୨ଟି ପରୀକ୍ଷା କେନ୍ଦ୍ର ପ୍ରତିଷ୍ଠା ହୋଇଛି। ଓଡ଼ିଶାରେ ଭୁବନେଶ୍ୱର ସମେତ ମୋଟ ୮ଟି ସହରରେ ୧୪ଟି ପରୀକ୍ଷା କେନ୍ଦ୍ର କରାଯାଇଛି। ନାଇଜରରେ ୪ଟି ବିଭାଗରେ ୫ ବର୍ଷିଆ ଇଣ୍ଟିଗ୍ରଟେଡ୍ ଏମଏସସି ପାଠ୍ୟକ୍ରମ ପାଇଁ ଛାତ୍ରଛାତ୍ରୀମାନେ ‘ନେଷ୍ଟ’ ପରୀକ୍ଷା ଦେବେ। ଏଥିପାଇଁ ସାରାଦେଶରୁ ୫୪ ହଜାର ୫୦୦ ଛାତ୍ରଛାତ୍ରୀ ଆବେଦନ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।