ବଲାଙ୍ଗିର(ଓଡ଼ିଶା ରିପୋର୍ଟର): ଏକ ପୋଖରୀ ମରାମତି କାମର ବିଲ୍ କରାଇ ଦେବାକୁ ଲାଞ୍ଚ ନେବା ବେଳେ ଭିଜିଲାନ୍ସ ହାବୁଡ଼ରେ ପଡ଼ିଗଲେ ବଲାଙ୍ଗିର ଜିଲ୍ଲା ମୁରିବାହାଲ ଆସିଷ୍ଟାଣ୍ଡ ପ୍ରୋଗ୍ରାମିଂ ଅଫିସର ସୁଶାନ୍ତ ଦାସ। ଲାଞ୍ଚ ନେବା ମାମଲାରେ ସୁଶାନ୍ତଙ୍କୁ ଗିରଫ କରି ପଚରାଉଚରା କରୁଛନ୍ତି ଭିଜିଲାନ୍ସ ଟିମ୍।
ପତ୍ରାପାଲି(ଖ) ଗାଁର ମନରେଗା ଯୋଜନାରେ ୯ ଲକ୍ଷ ୮୦ ହଜାର ଟଙ୍କାରେ ତିଆରି ହୋଇଥିବା ଏକ ମୋ ପୋଖରୀର ବିଲ୍ କରିଦେବାକୁ ଗାଁ ସାଥି ସୁଦାମ ନାଗଙ୍କ ଠାରୁ ୪୫ ହଜାର ଟଙ୍କା ମାଗିଥିଲେ ସୁଶାନ୍ତ। ଏନେଇ ଭିଜିଲାନ୍ସ ନିକଟରେ ଅଭିଯୋଗ କରିଥିଲେ ସୁଦାମ। ଅଭିଯୋଗ ପାଇବା ପରେ ବରଗଡ଼ ଓ ସମ୍ୱଲପୁର ଭିଜିଲାନ୍ସ ଟିମ୍ ସୁଶାଙ୍କ ଅଫିସରେ ଛପି ରହିଥିଲେ। ଆଜି ସୁଦାମଙ୍କ ପାଖରୁ ସୁଶାନ୍ତ ନିଜ ଅଫିସରେ ୪୫ ହଜାର ଟଙ୍କା ଲାଞ୍ଚ ନେବାବେଳେ ମାଡ଼ି ବସିଥିଲେ ଭିଜିଲାନ୍ସ କର୍ମଚାରୀ। ତାଙ୍କ ପାଖରୁ ଲାଞ୍ଚ ଟଙ୍କା ଜବତ କରିବା ସହ ପ୍ରୋଗ୍ରାମିଂ ଅଫିସରଙ୍କୁ ଗିରଫ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
