ଭଦ୍ରକ(ପାର୍ଥସାରଥୀ ନାୟକ): ବାପାଙ୍କ ଚିକିତ୍ସା ପାଇଁ ଆକୁଳ ନିବେଦନ କରୁଛନ୍ତି କୁନି ପୁଅ। ଛଳ ଛଳ ଆଖିରେ କହୁଛନ୍ତି, ମୋ ବାପା କରୋନାରେ ଆକ୍ରାନ୍ତ ହୋଇଛନ୍ତି। ସେ ଏବେ କଟକରେ କୋଭିଡ୍ ହସ୍ପିଟାଲ୍ରେ ଭର୍ତ୍ତି ହୋଇଛନ୍ତି। ପାଖରେ ଅର୍ଥ ନଥିବାରୁ ଚିକିତ୍ସା ହୋଇପାରୁ ନାହାନ୍ତି। ଦୟାକରି କିଛି ଅର୍ଥ ସାହାଯ୍ୟ କଲେ ମୋ ବାପା ବଞ୍ଚିଯିବେ ବୋଲି କୁନି ପୁଅଟି ନିବେଦନ କରୁଛନ୍ତି। ଯାହା ଏବେ ସୋଶାଲ୍ ମିଡିଆରେ ଭାଇରାଲ୍ ହୋଇଛି।
ଭଦ୍ରକ ଜିଲ୍ଲା ତିହିଡି ବ୍ଲକ୍ ତାଳପଦା ଅନ୍ତର୍ଗତ ଗଦାଧରପୁର ଗାଁର ଭାରତ ଚନ୍ଦ୍ର ଜେନା। ପେସାରେ ଜଣେ ଅଟୋ ଡ୍ରାଇଭର। ପରିବାର କହିଲେ ୬ ପ୍ରାଣୀ କୁଟୁମ୍ୱ। ଭାରତ ହେଉଛନ୍ତି ପରିବାରର ଏକମାତ୍ର ରୋଜଗାରକ୍ଷମ ବ୍ୟକ୍ତି। ତାଙ୍କ ରୋଜଗାରରେ ପୂରା ପରିବାର ଚଳୁଥିଲା। ତେବେ ସେ ମହାମାରୀ କରୋନାରେ ଆକ୍ରାନ୍ତ ହେବା ପରେ ପରିବାର ରଥ ଅଟକି ଯାଇଛି।
ଭାରତଙ୍କୁ ଭଦ୍ରକ କୋଭିଡ୍ ହସ୍ପିଟାଲ୍ରେ ଭର୍ତ୍ତି କରାଯାଇଥିଲା। ଆଜକୁ ୧୦ରୁ ୧୨ ଦିନ ହେଲା ସେଠାରେ ତାଙ୍କର ଚିକିତ୍ସା ଚାଲିଛି। ମାତ୍ର ତାଙ୍କ ସ୍ୱାସ୍ଥ୍ୟ ଅବସ୍ଥାର ଉନ୍ନତି ଘଟିନଥିଲା। ଦିନକୁ ଦିନ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡିବାରେ ଲାଗିଲା। ସ୍ଥିତି ଖରାପ ହେଉଥିବା ଦେଖି ତାଙ୍କୁ କଟକରେ ଏକ ପ୍ରାଇଭେଟ୍ କୋଭିଡ୍ ହସ୍ପିଟାଲ୍କୁ ସ୍ଥାନାନ୍ତରିତ କରାଯାଇଥିଲା। ଏବେ ତାଙ୍କର କୋଭିଡ୍ ହସ୍ପିଟାଲ୍ର ଆଇସିୟୁରେ ଚିକିତ୍ସା ଚାଲିଛି।
ପ୍ରାଇଭେଟ୍ କୋଭିଡ୍ ହସ୍ପିଟାଲ୍ରେ ଆଇସିୟୁରେ ଚିକିତ୍ସା ବ୍ୟୟସାପେକ୍ଷ। ଏଥିପାଇଁ ବହୁ ଅର୍ଥ ଖର୍ଚ୍ଚ ହେଉଛି। ଏତେ ଟଙ୍କା ଖର୍ଚ୍ଚ କରିବା ଭାରତଙ୍କ ପରିବାର ପକ୍ଷେ ସମ୍ଭବର ହେଉନାହିଁ। ପରିବାର ଓ ବନ୍ଧୁବାନ୍ଧବଙ୍କଠାରୁ ଯାହା ଅର୍ଥ ମିଳିଥିବା ତାହା ଖର୍ଚ୍ଚ ହୋଇ ସାରିଲାଣି। ଏବେ କିନ୍ତୁ ଆଉ ପାଖରେ ପଇସା ନାହିଁ। କେମିତି ହସ୍ପିଟାଲ୍ ବିଲ୍ ପୈଠକ କରିବେ, ସେହି ଚିନ୍ତାରେ ପୂରା ପରିବାର।
ଭାରତଙ୍କ ଚିକିତ୍ସା ପାଇଁ ଅର୍ଥ ବାଧକ ସାଜିଥିବା ବେଳେ ତାଙ୍କ ପୁଅ ସୋଶାଲ୍ ମିଡିଆରେ ଆକୁଳ ନିବେଦନ କରିଛନ୍ତି। ସେ କହିଛନ୍ତି-“ମୋ ବାପା ଯାତ୍ରୀଙ୍କୁ ଅଟୋରେ ବୋହୁଥିବା ବେଳେ କରୋନାରେ ଆକ୍ରାନ୍ତ ହୋଇଥିଲେ। ଏବେ ସେ କଟକରେ ଚିକିତ୍ସିତ ହେଉଛନ୍ତି। ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ରହିଛି। ଏବେ ଆମ ପାଖରେ ଚିକିତ୍ସା କରିବା ପାଇଁ ଟଙ୍କା ନାହିଁ। ଦୟାକରି କିଛି ସହାୟତା ଦିଅନ୍ତୁ।”
ଯଦି କୌଣସି ବ୍ୟକ୍ତି ସହାୟତ ଦେବାକୁ ଚାହିଁବେ, ତାହାହେଲେ Bharat jenaଙ୍କ Uco Bank A/c no. 12200110045527, IFSC No-UCBA00012 ରେ ସହାୟତା ଦେବାକୁ ଅନୁରୋଧ। ଏହାଛଡ଼ା Phone pay – 7978891584ରେ ସହାୟତା ଯୋଗାଇ ଦେଇପାରିବେ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
