ଡିଜିସିଏରେ ଦସ୍ତାବିଜ ଦାଖଲ କଲେ ବୈଜୟନ୍ତ

ଭୁବନେଶ୍ୱର (ଓଡ଼ିଶା ରିପୋର୍ଟର): ଚିଲିକା ହ୍ରଦ ଉପରେ ହେଲିକପ୍ଟର ଉଡ଼ାଣ ଅଭିଯୋଗ ମାମଲାରେ ପୂର୍ବତନ ସାଂସଦ ବୈଜୟନ୍ତ ପଣ୍ଡା ଆଜି ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟରେ ନିଜର ପକ୍ଷ ରଖିଛନ୍ତି। ଏହା ସହିତ ନିର୍ଦ୍ଦେଶାଳୟ ପକ୍ଷରୁ ମଗାଯାଇଥିବା ସମସ୍ତ ତଥ୍ୟ ସେ ଦାଖଲ କରିଥିବା ଜଣାପଡ଼ିଛି।

ସୂଚନା ଅନୁସାରେ, ଡିଜିସିଏ କାର୍ଯ୍ୟାଳୟର ଏୟାର ସେଫ୍ଟି ନିର୍ଦ୍ଦେଶକ ଏମ୍‌.ଜେ. ସିଂହ ଗତ ୧୯ ତାରିଖରେ ‘କ୍ୟାପଟେନ୍’ ବୈଜୟନ୍ତ ପଣ୍ଡାଙ୍କୁ ଇ-ମେଲ୍ ପଠାଇ ଚିଲିକା ହ୍ରଦ ଉପରେ ଉଡ଼ାଣ ଅଭିଯୋଗ ଉପରେ ୨୪ ତାରିଖ ଅପରାହ୍ନ ୩ଟା ବେଳେ ତଥ୍ୟ ରଖିବା ପାଇଁ ଡକାଇଥିଲେ।

ଶ୍ରୀ ପଣ୍ଡା ଆଜି ଡିଜିସିଏଙ୍କ ଅଫିସକୁ ଯାଇ ଅଭିଯୋଗ ଉପରେ ତାଙ୍କର ପକ୍ଷ ରଖିଛନ୍ତି। ଦିଲ୍ଲୀସ୍ଥିତ ଡିଜିସିଏ ଅଫିସରୁ ବାହାରିବା ପରେ ସାମ୍ବାଦିକମାନଙ୍କୁ ପ୍ରତିକ୍ରିୟା ଦେଇ ଶ୍ରୀ ପଣ୍ଡା କହିଛନ୍ତି ଯେ, ଡକ୍ୟୁମେଣ୍ଟ ଯାଞ୍ଚ ପାଇଁ ତାଙ୍କୁ ଡକାଯାଇଥିଲା। ତାଙ୍କ ବିରୋଧରେ ରାଜ୍ୟ ସରକାର କରିଥିବା ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ। ତାଙ୍କୁ ଅଯଥା ଟାର୍ଗେଟ୍ କରାଯାଉଛି।

ସେ ଅଭିଯୋଗ କରିଛନ୍ତି, “ପୁଲିସ ନିଜ ରିପୋର୍ଟକୁ ୫ ଥର ବଦଳାଇଛି। ମୁଁ ହେଲିକପ୍ଟରରେ ବୁଲିବା ବେଳେ ଏୟାର ଟ୍ରାଫିକ୍ କଣ୍ଟ୍ରୋଲ ସହ ସମ୍ପର୍କରେ ଥିଲି। ଚିଲିକା ନୋ ଫ୍ଲାଏଙ୍ଗ ଜୋନ୍ ନୁହଁ।”

ସେ ଆହୁରି କହିଛନ୍ତି, “ଏହା ଉପର ଦେଇ ବହୁବାର ଅନ୍ୟମାନେ ହେଲିକପ୍ଟରରେ ଯାଇଛନ୍ତି। ଅନ୍ୟମାନଙ୍କ ଉପରେ କାହିଁକି କାର୍ଯ୍ୟାନୁଷ୍ଠାନ ହେଉନି।

ସୂଚନାଯୋଗ୍ୟ, ସେପ୍ଟେମ୍ବର ୧୫ ତାରିଖରେ ଚିଲିକା ହ୍ରଦ ଉପରେ କମ୍ ଉଚ୍ଚତାରେ ଉଡ଼ାଣ କରିବା ଅଭିଯୋଗରେ ଶ୍ରୀ ପଣ୍ଡାଙ୍କ ବିରୁଦ୍ଧରେ ପୁରୀ ପୁଲିସ ମାମଲା ରୁଜୁ କରିଛି। ତେବେ ପୁଲିସ ଏ ମାମଲାରେ ଶ୍ରୀ ପଣ୍ଡାଙ୍କ ବିରୋଧରେ ଆଣିଥିବା ଅଭିଯୋଗରେ ବାରମ୍ବାର ପରିବର୍ତ୍ତନ କରିଛି।

ଆହୁରି ପଢ଼ନ୍ତୁ

ଜେରାର ସମ୍ମୁଖୀନ ହେବେ ରିୟା, ଇଡି ପଠାଇଲା ସମନ

ସୁଶାନ୍ତ ମୃତ୍ୟୁ ମାମଲା: ରିୟାଙ୍କ ଆବେଦନ ଉପରେ କ’ଣ କହିଲେ ସୁପ୍ରିମକୋର୍ଟ

ମନ୍ଦିର ପାଇଁ ଶିଳାନ୍ୟାସ କରିବା ପରେ ଦେଶବାସୀଙ୍କୁ କ’ଣ କହିଲେ ମୋଦି

କେମିତି ହେବ ଭବ୍ୟ ରାମ ମନ୍ଦିର, ସଂକ୍ଷେପରେ ଜାଣନ୍ତୁ ରୂପରେଖ

ସୁଶାନ୍ତଙ୍କ ମୃତ୍ୟୁର ତଦନ୍ତ କରିବ ସିବିଆଇ, ମିଳିଲା କେନ୍ଦ୍ରର ଅନୁମତି

ଅମାନିଆଙ୍କ ପାଇଁ ଜାରି ହେଲା ହ୍ୱାଟ୍ସଆପ୍‌ ନମ୍ୱର

ଟେଲର ଦୋକାନରୁ ଘରେ ଚଳେ, ମୋ ପୁଅ ଆଇଏଏସ ପାଇଛି

ନୂଆ ମ୍ୟାପ ଜାରି କଲା ପାକିସ୍ତାନ, କଶ୍ମୀର ସହ ଗୁଜରାଟ ଓ ଲଦାଖର କିଛି ଅଂଶକୁ ନିଜର ଦର୍ଶାଇଲା

୭ ଜିଲ୍ଲାରେ ପ୍ରବଳ ବର୍ଷିବ, ଜିଲ୍ଲାପାଳଙ୍କ ସତର୍କ କଲେ ଏସ୍‌ଆର୍‌ସି

ଅନ୍ତର୍ଜାତୀୟ ମାର୍କେଟରେ ରାଫେଲର ଚାହିଦା କାହିଁକି କମ?

ଭୁବନେଶ୍ୱରରୁ ୧୪୯ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୫୧ ଲୋକାଲ୍‌ କେସ୍‌

ସିବିଆଇ ତଦନ୍ତ ସୁପାରିସ ପରେ କଥା ବଦଳାଇଲେ ରିୟା