ବଲାଙ୍ଗିର(ଘଟେଶ୍ୱର ମିଶ୍ର): ଅଜଣା ଗାଡି ଧକ୍କାରେ ଜଣେ ଅଟୋ ଡ୍ରାଇଭରଙ୍କର ମୃତ୍ୟୁ ହୋଇଛି । ଘଟଣା ଘଟିଛି ବଲାଙ୍ଗିର-ଟିଟିଲାଗଡ ରାଜରାସ୍ତାର ବିଜାଖମନ ନିକଟରେ । ଗତକାଲି ବିଲମ୍ୱିତ ରାତିରେ ରକ୍ତାକ୍ତ ଅବସ୍ଥାରେ ରାଜରାସ୍ତା ଉପରେ ପଡିଥିବା ଜଣେ ବ୍ୟକ୍ତିଙ୍କୁ ୧୦୮ ଆମ୍ବୁଲାନ୍ସ ଉଦ୍ଧାର କରି ବଲାଙ୍ଗିର ଭୀମଭୋଇ ମେଡିକାଲ କଲେଜ ହସପିଟାଲକୁ ଆଣିଥିଲା । ହସପିଟାଲରେ ଡାକ୍ତର ମୃତ ଘୋଷଣା କରିଥିଲେ । ଶବକୁ ବ୍ୟବଚ୍ଛେଦ ପାଇଁ ପୋଷ୍ଟମୋର୍ଟମ ୱାର୍ଡକୁ ପଠାଇ ଦିଆଯାଇଛି ।
ସଦର ପୁଳିସ ଘଟଣାସ୍ଥଳକୁ ଯାଇ ତଦନ୍ତ କରୁଛି । ପ୍ରାଥମିକ ତଦନ୍ତରୁ ପୋଲିସକୁ ମିଲିଥିବା ସୂଚନା ଅନୁସାରେ, ମୃତ ବ୍ୟକ୍ତି ଜଣକ ବଲାଙ୍ଗିର ସହରର ଜଣେ ଆଟୋ ଡ୍ରାଇଭର । ଗତକାଲି ରାତିରେ ଅଟୋର ଇନ୍ଧନ ସରିଯାଇଥିବାରୁ ରାସ୍ତା କଡରେ ଅଟୋକୁ ଅଟକାଇ ସାହାଯ୍ୟ ପାଇଁ ଠିଆ ହୋଇଥିଲେ ଡ୍ରାଇଭର ।
ଏହି ସମୟରେ ଏକ ଅଜଣା ଗାଡି ଦ୍ରୁତ ଗତିରେ ଆସି ଅଟୋଡ୍ରାଇଭରଙ୍କୁ ଧକ୍କା ଦେଇ ଚାଲିଯାଇଥିବା ଅନୁମାନ କରାଯାଉଛି । କେଉଁ ଗାଡି ଧକ୍କାଦେଲା ? ବିଲମ୍ୱିତ ରାତିରେ ଅଟୋ ଡ୍ରାଇଭର କେଉଁଆଡେ ଯାଇଥିଲେ ? ତାକୁ ନେଇ ତଦନ୍ତ କରୁଛି ପୁଲିସ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
