ଶ୍ୱଶୁର ଘର ଗାଁ ପାଖ ଜଙ୍ଗଲରୁ ଉଦ୍ଧାର ହୋଇଛି ଜ୍ୱାଇଁର ଝୁଲନ୍ତା ମୃତଦେହ। ବଲାଙ୍ଗିର ଜିଲ୍ଲା ମୁରିବାହାଲ ଥାନା ଅନ୍ତର୍ଗତ ଯମୁନାବାହାଲ ଗାଁରେ ଏହି ଘଟଣା ଘଟିଛି। ମୃତ ବ୍ୟକ୍ତି ଜଣଙ୍କ ହେଲେ ମୁରିବାହାଲ ଥାନା ସାଲେଭଟା ଗାଁ ର ନବ ଭୋଇ l
ନବ ବାହାର ରାଜ୍ୟରେ ଦାଦନ ଖଟନ୍ତି। ପୂରା ପରିବାର ମଧ୍ୟ ତାଙ୍କ ସାଙ୍ଗରେ ବାହାର ରାଜ୍ୟରେ ରୁହନ୍ତି। କିଛି ଦିନ ତଳେ ପରିବାର ସହ ନିଜ ଘରକୁ ଫେରିଥିଲେ। ଗାଁରେ କିଛି ଦିନ ରହିବା ପରେ ନବ ତାଙ୍କ ସ୍ତ୍ରୀ ମଧ୍ୟରେ କୌଣସି କଥାକୁ ଝଗଡ଼ା ହୋଇଥିଲା। ପରେ ନବଙ୍କ ସ୍ତ୍ରୀ ପାଞ୍ଚଟି ପୁଅ ଓ ଜଣେ ଝିଅ ନେଇ ନିଜ ବାପ ଘର ସାଲେଭଟା ଗାଁକୁ ପଳାଇ ଆସିଥିଲେ।
ଆଜି ସକାଳେ ସାଲେଭଟା ଗାଁ ନିକଟରେ ଥିବା ଜଙ୍ଗଲରୁ ନବଙ୍କ ଝୁଲନ୍ତା ମୃତଦେହ ସ୍ଥାନୀୟ ଲୋକେ ଦେଖିଥିଲେ। ନବ ଗାମୁଛା ଲଗାଇ ଏକ ଗଛରେ ଆତ୍ମହତ୍ୟା କରିଥିଲେ। ଏନେଇ ସ୍ଥାନୀୟ ଲୋକେ ପରିବାର ଲୋକ ଓ ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ମୃତଦେହ ଉଦ୍ଧାର କରି ଘଟଣାର ତଦନ୍ତ କରୁଛି। ନବ କେଉଁ କାରଣ ପାଇଁ ଆତ୍ମହତ୍ୟା କଲେ କାରଣ ଅସ୍ପଷ୍ଟ ହୋଇଛି। ପୁଲିସ ବିଭିନ୍ନ ଦିଗକୁ ନେଇ ଘଟଣାର ତଦନ୍ତ କରୁଛି।