OR 
ଆନ୍ଦୋଳନରେ ଗାଈ ବଳଦ। ତାହା ପୁଣି ବଲାଙ୍ଗିର ଜିଲ୍ଲାପାଳଙ୍କ ଅଫିସ ସମ୍ମୁଖରେ। ମାଲିକ ଗାଈମାନଙ୍କୁ ଖାଇବା ପିଇବାକୁ ଦେଇ ବସିଛନ୍ତି ଆନ୍ଦୋଳନରେ। କ’ଣ ପାଇଁ ଏ ଅଭିନବ ଆନ୍ଦୋଳନ? ଆସନ୍ତୁ ନଜର ପକାଇବା ପୂରା ଘଟଣା ଉପରେ।
Also Read
ବଲାଙ୍ଗିର ଜିଲ୍ଲା ପୁଇଁତଲା ବ୍ଲକ୍ ରାଣିକଟା ଗାଁର ପଞ୍ଚାନନ କବାଟ ନିଜ ଘର ନିକଟରେ ଗୁହାଳ କରିଥିଲେ। କିଛି ରଇତି ଓ କିଛି ସରକାରୀ ଜମିରେ ତିଆରି କରିଥିଲେ ଗାଈଗୁହାଳ। ସରକାରୀ ଜମିରେ ଗୁହାଳ ନିର୍ମାଣ ହୋଇଥିବା ଅଭିଯୋଗ କରିଥିଲେ ଗାଁର ସ୍ୱୟଂ ସହାୟକ ଗୋଷ୍ଠୀର ମହିଳା। ପଞ୍ଚାନନଙ୍କୁ ଏ ସମ୍ପର୍କରେ କୌଣସି ସୂଚନା ନଦେଇ ୫ ଦିନ ତଳେ ସ୍ଥାନୀୟ ନାଏବ ସରପଞ୍ଚ ବିଜୁ ପଧାନଙ୍କ ନେତୃତ୍ୱରେ ଏସ୍ଏଚ୍ଜି ମହିଳାମାନେ ଗୁହାଳକୁ ଭାଙ୍ଗି ଦେଇଥିଲେ। ସେହି ରାସ୍ତାରେ ତାର ବଡ ଦେଇ ଦେଇଥିଲେ।
ପଞ୍ଚାନନ କବାଟ ଏନେଇ ଉପ-ଜିଲ୍ଲାପାଳ ଓ ଜିଲ୍ଲାପାଳଙ୍କୁ ଜଣାଇଥିଲେ। ମାତ୍ର ତାଙ୍କ ଗୁହାରି କେହି ଶୁଣିନଥିଲେ। ତେଣୁ ନିଜର ଗାଈ ବଳଦଙ୍କୁ ଧରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି ପଞ୍ଚାନନ ଓ ତାଙ୍କ ବାପା ପ୍ରତିମନୁ କବାଟ। ଦାବି ପୂରଣ ନହେବା ପର୍ଯ୍ୟନ୍ତ ଧାରଣା ଜାରି ରହିବ ବୋଲି ଧମକ ଦେଇଛନ୍ତି। ଦାବି ପୂରଣ ନହେଲେ ଆତ୍ମହୂତି ଦେବାକୁ ଧମକ ଦେଇଛନ୍ତି ପଞ୍ଚାନନ।
ରିପୋର୍ଟ-ବଲାଙ୍ଗିରରୁ ଘଟେଶ୍ୱର ମିଶ୍ର
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
