Representational Image 
ଟ୍ରାକ୍ଟର ଓଲଟି ନାବାଳକ ଡ୍ରାଇଭରର ମୃତ୍ୟୁ ଘଟଛି। ଏପରି ଘଟଣା ଘଟିଛି ବଲାଙ୍ଗିର ଜିଲ୍ଲା ଲୋଇସିଂହା ଥାନା ଅନ୍ତର୍ଗତ ବାଦୀବାହାଲ ପଞ୍ଚାୟତ ଅଗଲାପାଳି ଗାଁରେ। ମୃତ ନାବାଳକ ଜଣଙ୍କ ହେଲେ ମନୁ ଦାଶ।
ଅଗଲାପାଳି ଗାଁରେ ବସୁଧା ଯୋଜନାରେ କାମ ଚାଲିଛି। ଏହି ସରକାରୀ କାମରେ ବାଦୀବାହାଲ ପଞ୍ଚାୟତର ସରପଞ୍ଚ ପ୍ରସନ୍ନ ତ୍ରିପାଠୀଙ୍କ ଟ୍ରାକ୍ଟର ଲାଗିଛି। ହେଲେ ଟ୍ରାକ୍ଟରଟିକୁ ମନୁ ନାମକ ଜଣେ ନାବାଳକ ଚଲାଉଥିଲେ। ଆଜି ସକାଳେ କାମ ଚାଲୁଥିବା ସମୟରେ ଟ୍ରାକ୍ଟରଟି ଓଲଟି ପଡ଼ିଥିଲା। ଘଟଣାସ୍ଥଳରେ ନାବାଳକର ମନୁର ମୃତ୍ୟୁ ଘଟିଥିଲା।
Also Read
ପୁଲିସ ମୃତଦେହକୁ ଉଦ୍ଧାର କରି ଘଟଣାର ତଦନ୍ତ କରୁଛି। ନାବାଳକଟି ବାପ ଛେଉଣ୍ଡ ବୋଲି ଜଣାଯାଇଛି। ନାବାଳକଙ୍କୁ କାମରେ ଲଗାଇବା ଦଣ୍ଡନୀୟ ଅପରାଧ। ହେଲେ ଜଣେ ଜନପ୍ରତିନିଧି ହୋଇ କିପରି ଏପରି କାମ କରୁଥିଲେ ସାଧାରଣାରେ ତାହା ଚର୍ଚ୍ଚା ହେଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
