ଡ୍ରଗ୍ସ ମାଫିଆଙ୍କ ଘରେ ଚଢ଼ଉ, ୩ ଲକ୍ଷରୁ ଅଧିକ ଟଙ୍କା ଜବତ

ଜଳେଶ୍ୱର (ଅଜିତ ଦାସ): ବାଲେଶ୍ୱରର ଡ୍ରଗ୍ସ ମାଫିଆ ରାଜାଙ୍କ ପରେ ଆଉ ଜଣଙ୍କ ଘରେ ଆଜି ପୁଲିସ ଚଢ଼ଉ କରିଛି। ମାତ୍ର ଏ ସମ୍ପର୍କରେ ଡ୍ରଗ୍ସ ମାଫିଆମାନେ ଜାଣିପାରି ଘର ଛାଡ଼ି ପଳାଇ ଯାଇଥିଲେ। ପୁଲିସ ସେମାନଙ୍କ ଘରେ ୩ ଲକ୍ଷରୁ ଅଧିକ ନଗଦ ଟଙ୍କା ଜବତ କରିଥିବା ବେଳେ ଜଣକୁ ଅଟକ ରଖି ପଚାରାଉଚରା କରୁଛି।

ଜଳେଶ୍ୱର ଥାନା ଶେଖବାଡ଼ ଓ ଝାଡେଶ୍ୱରପୁର ଗାଁର ଡ୍ରଗ୍ସ ମାଫିଆ ଶେଖ ତୋଇରିଦୁନି ଏବଂ ତାଙ୍କର ୪ ଭାଇ ଦୀର୍ଘ ଦିନ ଧରି ଡ୍ରଗ୍ସ କାରବାର କରୁଥିଲେ। ସେମାନେ ବାଂଲାଦେଶରୁ ବ୍ରାଉନ୍‌ସୁଗର ଆଣି ଓଡ଼ିଶାର ବିଭିନ୍ନ ପ୍ରାନ୍ତକୁ ଚାଲାଣ କରୁଥିବା ଅଭଯୋଗ ହୋଇଛି। ଏ ସମ୍ପର୍କରେ ବାଲେଶ୍ୱର ପୁଲିସ ଜାଣିବାକୁ ପାଇଥିଲା।

ଆଜି ସକାଳେ ସ୍ପେଶାଲ ପୁଲିସ ଡିଏସ୍‌ପି ମନୋଜ ରାଉତଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ୍‌ ତୋଇରିଦ୍ଦୁନ୍‌ ଓ ତାଙ୍କ ୪ ଭାଇଙ୍କ ଘରେ ଚଢ଼ଉ କରିଥିଲା। ଏ ସମ୍ପର୍କରେ ତୋଇରିଦ୍ଦୁନ୍‌ ଜାଣିପାରି ଫେରାର ହୋଇଯାଇଛି। ପୁଲିସ ତାଙ୍କ ଘରେ ଚଢ଼ଉ କରି ନଗଦ ୩ ଲକ୍ଷ ୮୯ ହଜାରରୁ ଅଧିକ ନଗଦ ଟଙ୍କା ଓ ସୁନା ଗହଣା ଜବତ କରିଛି। ଏହାଛଡ଼ା ଗୋଟିଏ ବୁଲେଟ ବାଇକକୁ ମଧ୍ୟ ପୁଲିସ ଜବତ କରିଛି। ମାତ୍ର ବ୍ରାଉନ୍‌ସୁଗର ଜବତ କରିନାହିଁ। ଏହି ଘଟଣାରେ ଜଣକୁ ଅଟକ ରଖିଛି ପୁଲିସ ପଚରାଉଚରା କରୁଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।