ଡ୍ରିଲ୍‌ ବେଳେ ଅଚେତ ହୋଇପଡ଼ିଲେ ୩ ଛାତ୍ରୀ

ନୀଳଗିରି( ଓଡ଼ିଶା ରିପୋର୍ଟର): ସ୍କୁଲରେ ଡ୍ରିଲ୍‌ ଚାଲିଥିବା ବେଳେ ଅଚେତ ହୋଇ ପଡ଼ିଲେ ୩ ଛାତ୍ରୀ । ବାଲେଶ୍ୱର ଜିଲ୍ଲା ନୀଳଗିରି ଜାମୁଡିଆସ୍ଥିତ ଆଦର୍ଶ ବିଦ୍ୟାଳୟରେ  ଆଜି ସକାଳେ ଏପରି ଘଟଣା ଘଟିଛି।  ଅଚେତ ହୋଇ ପଡ଼ିଥିବା ତିନି ଛାତ୍ରୀ ହେଲେ ହରପ୍ରିୟା ପାତ୍ର, ଜ୍ୟୋସ୍ନାରାଣୀ ବେହେରା,କବିତା ଜେନା ।

ତୁରନ୍ତ ସେମାନଙ୍କୁ ନୀଳଗିରି ମେଡିକାଲରେ ଭର୍ତ୍ତି କରିଯାଇଛି। ଛାତ୍ରୀମାନଙ୍କ ଅବସ୍ଥା ଠିକ୍ ଥିବା ସ୍କୁଲର ପ୍ରିନ୍ସିପାଲ କହିଛନ୍ତି । ତେବେ ଛାତ୍ରୀମାନେ କାହିଁକି ଅଚେତ ହୋଇ ପଡିଲେ, କାରଣ ଅସ୍ପଷ୍ଟ ରହିଛି ।

ପିଲାମାନେ ସକାଳେ ସ୍କୁଲ ଆସୁଥିବାରୁ ଖିଆପିଆ ପ୍ରତି ଧ୍ୟାନ ଦେଉ ନାହାନ୍ତି। ଏଥିଯୋଗୁ ଏସିଡିଟି ହୋଇ  ସେମାନଙ୍କ ମୁଣ୍ଡ ବୁଲାଇଲା ଓ ସେମାନେ ନିଶ୍ୱାସ ନେବାରେ କଷ୍ଟ ଅନୁଭବ କଲେ। ତେଣୁ ଆମେ ତୁରନ୍ତ ସେମାନଙ୍କୁ ମେଡିକାଲ ନେଇ ଆସିଲୁ । ଏବେ ପିଲାମାନେ ସୁସ୍ଥ ଥିବା କହିଛନ୍ତି ସ୍କୁଲ ପ୍ରିନ୍ସିପାଲ।

ଚଳିତ ବର୍ଷ  ଖରା ଛୁଟି ଅବଧି କମାଇ ଦିଆଯାଇଥିବାରୁ ଅଭିଭାବକମାନେ । ଅସହ୍ୟ ଖରାରେ ଲୋକେ କଲବଲ ହେଉଥିବା ବେଳେ ଛୋଟ ଛୋଟ ପିଲାମାନେ କିପରି ସ୍କୁଲ ଯିବେ, ଏହାକୁ କିପରି ସହ୍ୟ କରିବେ ସେ ନେଇ ପ୍ରଶ୍ନ କରିଛନ୍ତି ଅଭିଭାବକ । ଏହାକୁ ଦୃଷ୍ଟିରେ ରଖି ମେ’ ପହିଲାରୁ ସ୍କୁଲ ୬ଟାରୁ ୯ଟା ପର୍ଯ୍ୟନ୍ତ ଚାଲିବ । ଫଳରେ ଖରା ଅଧିକ ହେବା ପୂର୍ବରୁ ପିଲାମାନେ ଘରେ ପହଞ୍ଚିଯିବେ ବୋଲି କହିଛନ୍ତି ଶିକ୍ଷା ମନ୍ତ୍ରୀ ସମୀର ଦାସ। ତେବେ ଖରା ଛୁଟି ଅବଧିକୁ ବଢ଼ାଇବା ମୁଡରେ ଶିକ୍ଷା ବିଭାଗ ନ ଥିବା ପରି ଲାଗୁଛି। ହେଲେ ବିଶେଷ ପରିସ୍ଥିତିକୁ ଦେଖି ନିଷ୍ପତ୍ତି ପରିବର୍ତ୍ତନ ହୋଇପାରେ ବୋଲି ଗତକାଲି ଶିକ୍ଷା ମନ୍ତ୍ରୀ କହିଥିବା ବେଳେ ଆଗକୁ କେଉଁ ପଦକ୍ଷେପ ନିଆଯାଉଛି ତାହା ଉପରେ ସମସ୍ତଙ୍କ ନଜର।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।