ଟିକା ପାଇଁ ଲମ୍ବା ଲାଇନ

ସୋର(ଓଡ଼ିଶା ରିପୋର୍ଟର): ସୋର ବ୍ଲକ ମାଣିପୁର ପଞ୍ଚାୟତର ମାଣିପୁର ସ୍କୁଲ ଆଗରେ ଟିକା ପାଇଁ ଲମ୍ବା ଲାଇନ। ଟିକା ପାଇଁ ରାତି ସାରା ଲାଇନ ଦେଇଛନ୍ତି ଲୋକେ।  କିଛି ଆଶାୟୀ ଇଟା ରଖି ଲାଇନରେ କରୋନା ଟିକା ନେବାକୁ ଅପେକ୍ଷା କରିଥିଲେ l ୨୦୦ଟିକାକୁ ଶହ ଶହ ଆଶାୟୀ ଲାଇନ ଲଗାଇଥିଲେ । ମାଣିପୁର ମଧୁବନ ଉପେନ୍ଦ୍ର ପ୍ରସାଦ ଉଚ୍ଚ ପ୍ରାଥମିକ ବିଦ୍ୟାଳୟରେ ଆଜି ସକାଳ ୮ଟା ରେ ୪୫ବର୍ଷରୁ  ଊର୍ଦ୍ଧ୍ୱ ୨୦୦ଜଣଙ୍କୁ ଟିକାକରଣ କରାଯିବାକୁ ଘୋଷଣା କରାଯାଇଥିଲା।  ପରେ  ବିଦ୍ୟାଳୟ ଗେଟ ସମ୍ମୁଖରେ ପ୍ରବଳ ଭିଡ଼ ଲାଗି ଥିଲା l ଟିକା ନେବା ପାଇଁ ଲାଇନ୍‌ରେ ଭୁଲିଗଲେ କୋଭିଡ଼ ନିୟମ । ଲମ୍ବା ଲାଇନରେ ନା ଥିଲା ସାମାଜିକ ଦୂରତା, ନା ମୁହଁରେ ଥିଲା ମାସ୍କ । ଯେତେ ଗହଳି ହେଉ ପଛେ ଲୋକେ କିପରି ଟିକା ଟିଏ ନେଇ ପାରିବେ , ସେନେଇ ସାମାଜିକ ଦୂରତା କୁ ଭୁଲି ବହୁ ସମୟ ପର୍ଯ୍ୟନ୍ତ ଅପେକ୍ଷା କରି ଛିଡା ହୋଇଥିବାର ଦେଖିବାକୁ ମିଳିଛି । ଅନ୍ୟ ପକ୍ଷରେ ପ୍ରଶାସନ ପକ୍ଷରୁ କୌଣସି ବ୍ୟବସ୍ଥା କରା ଯାଇନଥିବାରୁ ବହୁ ଲୋକ ଅସନ୍ତୋଷ ପ୍ରକାଶ କରିଛନ୍ତି । କିଛି ଦିନ ପୂର୍ବରୁ ସୋର ବାପୁ ନୋଡାଲ ସ୍କୁଲରେ ମଧ୍ୟ ପ୍ରବଳ ଭିଡ଼ ଦେଖିବାକୁ ମିଳିଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।