OR 
କିଆବୁଦା ମୂଳରୁ ବର୍ଷକର କ୍ଷତାକ୍ତ ଶିଶୁ ପୁତ୍ର ଉଦ୍ଧାର। ବାଲେଶ୍ୱର ଜିଲ୍ଲା ସୋର ଅନ୍ତର୍ଗତ ଗୋପାଳପୁର ଥାନା କରଞ୍ଜାବିନ୍ଧା ଗାଁ ପାଖ କିଆବଣରୁ ଏହି ଶିଶୁକୁ ଉଦ୍ଧାର କରାଯାଇଛି। ପିଲାକୁ ଉଦ୍ଧାର କରି ଗୋପାଳପୁର ମେଡିକାଲ୍ ନେଇଛନ୍ତି କରଞ୍ଜାବିନ୍ଧା ଗାଁ ଲୋକେ। ଉଦ୍ଧାର ପିଲାଟି ସ୍ଥାନୀୟ ଆରୁଆବାଡ଼ ଗାଁର ବୋଲି ଜଣାପଡ଼ିଛି।
ପୁଅକୁ କିଆବଣରେ ଫିଙ୍ଗି ମା’ ପୁରୁଷ ବନ୍ଧୁ ସହ ପଳାଇଥିବା ଅଭିଯୋଗ ହୋଇଛି। ଏହି ଘଟଣାକୁ ନେଇ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି।
ଶିଶୁପୁତ୍ରର ମୁଣ୍ଡରେ ଓ ଗାଲରେ କ୍ଷତ ସୃଷ୍ଟି ହୋଇଛି। ଶିଶୁର ବାପା ପରେଶ ମଲ୍ଲିକ ଖବର ପାଇ ମେଡ଼ିକାଲରେ ପହଞ୍ଚିଛନ୍ତି। ତେଣେ ପୁଲିସ ମଧ୍ୟ ଖବର ପାଇ ମେଡିକାଲରେ ପହଞ୍ଚିବା ସହ ତଦନ୍ତ କରୁଥିବା ଜଣାପଡ଼ିଛି। ଏହାକୁ ନେଇ ଅଞ୍ଚଳରେ ଉଦ୍ବେଗ ପ୍ରକାଶ ପାଇଛି। ତେବେ ଏନେଇ କାହାରି ପ୍ରତିକ୍ରିୟା ମିଳିପାରିନି।
Also Read
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
