ସୋର(ଓଡ଼ିଶା ରିପୋର୍ଟର): ବାଇକ୍ ଚୋରକୁ ଧରି ନିର୍ଧୁମ ଛେଚିଲେ ଗ୍ରାମବାସୀ । ଏଭଳି ଘଟଣା ଖନ୍ତାପଡ଼ା ଅଞ୍ଚଳରେ ଘଟିଛି। ଖନ୍ତାପଡ଼ା ଥାନା ଶ୍ରୀଜଙ୍ଗ ଛକରେ ଆଜି ସକାଳେ ବାଇକ ଚୋରି କରିବାକୁ ଆସିଥିବା ୩ ଜଣ ଚୋରଙ୍କ ମଧ୍ୟରୁ ୨ ଜଣ ଖସି ପଳାଇଯାଇଛନ୍ତି l ତେବେ ଜଣେ ଚୋରକୁ ଧରିବାରେ ସକ୍ଷମ ହୋଇଛନ୍ତି ଗ୍ରାମବାସୀ l
ପରେ ଗ୍ରାମବାସୀଙ୍କ ହାତରେ ଧରାପଡିଥିବା ଚୋରକୁ ସ୍ଥାନୀୟ ଲୋକମାନେ ନିର୍ଧୁମ ଛେଚି ଥିଲେ । ଧରା ପଡିଥିବା ଚୋରଙ୍କ ଘର ଆଲଦିଆ ଅଞ୍ଚଳର ବୋଲି ଜଣାପଡିବା ବେଳେ ଖସି ପଳାଇଥିବା ଅନ୍ୟ ଦୁଇ ଜଣଙ୍କ ଘର ଶ୍ରୀଜଙ୍ଗ ଓ ଓଡଶାଳ ବୋଲି ଜଣାପଡିଛି l ସେମାନଙ୍କ ପାଖରୁ ଗୋଟିଏ ବାଇକ ସହିତ ମାରଣାସ୍ତ୍ର ମଧ୍ୟ ଜବତ କରିଛି ଖନ୍ତାପଡ଼ା ପୁଲିସ l ଚୋରଟିକୁ ଗ୍ରାମବାସୀମାନେ ଖନ୍ତାପଡ଼ା ପୁଲିସ ଜିମା ଦେବାପରେ ପୁଲିସ ଘଟଣାର ତଦନ୍ତ କରୁଛି ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
