ଓଡ଼ିଶାରେ ଯଥାରୀତି ଚାଲିବ ବ୍ୟାଙ୍କ ସେବା, ସୋଶାଲ୍‌ ମିଡିଆ ଗୁଜବ୍‌ରେ ବିଶ୍ୱାସ କରନ୍ତୁ ନାହିଁ

ନୂଆଦିଲ୍ଲୀ: ସେପ୍ଟେମ୍ବର ୧ ତାରିଖରୁ ସପ୍ତାହକ ପାଇଁ ବ୍ୟାଙ୍କ ବନ୍ଦ ରହିବ ବୋଲି ସୋଶାଲ୍‌ ମିଡିଆରେ ପ୍ରଚାର ହେଉଛି। ଏହା ପୂର୍ବରୁ ସବୁ ବ୍ୟାଙ୍କ କାମ ସାରି ଦେବାକୁ କିଛି ଲୋକ ପରାମର୍ଶ ଦେଉଛନ୍ତି। ହେଲେ ଏପରି ଖବରରେ କୌଣସି ସତ୍ୟତା ନଥିବା ଜଣାପଡ଼ିଛି। ଛୁଟି ଓ ବ୍ୟାଙ୍କ କର୍ମଚାରୀଙ୍କ ଆନ୍ଦୋଳନ ଯୋଗୁଁ ସେପ୍ଟେମ୍ବର ମାସର ପ୍ରଥମ ୬ ଦିନ ବ୍ୟାଙ୍କ ବନ୍ଦ ରହିବ ବୋଲି ସୋଶାଲ୍‌ ମିଡିଆରେ ଯେଉଁ ଖବର ପ୍ରକାଶ ପାଉଛି, ତାହା ସତ […]

bank

bank

Rakesh Mallick
  • Published: Friday, 31 August 2018
  • Updated: 31 August 2018, 09:25 AM IST

Sports

Latest News

ନୂଆଦିଲ୍ଲୀ: ସେପ୍ଟେମ୍ବର ୧ ତାରିଖରୁ ସପ୍ତାହକ ପାଇଁ ବ୍ୟାଙ୍କ ବନ୍ଦ ରହିବ ବୋଲି ସୋଶାଲ୍‌ ମିଡିଆରେ ପ୍ରଚାର ହେଉଛି। ଏହା ପୂର୍ବରୁ ସବୁ ବ୍ୟାଙ୍କ କାମ ସାରି ଦେବାକୁ କିଛି ଲୋକ ପରାମର୍ଶ ଦେଉଛନ୍ତି। ହେଲେ ଏପରି ଖବରରେ କୌଣସି ସତ୍ୟତା ନଥିବା ଜଣାପଡ଼ିଛି।
ଛୁଟି ଓ ବ୍ୟାଙ୍କ କର୍ମଚାରୀଙ୍କ ଆନ୍ଦୋଳନ ଯୋଗୁଁ ସେପ୍ଟେମ୍ବର ମାସର ପ୍ରଥମ ୬ ଦିନ ବ୍ୟାଙ୍କ ବନ୍ଦ ରହିବ ବୋଲି ସୋଶାଲ୍‌ ମିଡିଆରେ ଯେଉଁ ଖବର ପ୍ରକାଶ ପାଉଛି, ତାହା ସତ ନୁହେଁ ବୋଲି ନ୍ୟାସନାଲ୍‌ ଅର୍ଗାନାଇଜେସନ୍‌ ଅଫ୍‌ ବ୍ୟାଙ୍କ ୱାର୍କର୍ସ ଉପସଭାପତି ଅଶ୍ୱିନ୍‌ ରାଣା କହିଛନ୍ତି।
ସେ କହିଛନ୍ତି, “ସେପ୍ଟେମ୍ବର ୪ ଓ ୫ ତାରିଖରେ ପ୍ରୋଭିଡେଣ୍ଟ ଫଣ୍ଡ ଓ ପେନ୍‌ସନ୍‌ ସମ୍ପର୍କିତ ସମସ୍ୟାକୁ ନେଇ ଆରବିଆଇ କର୍ମଚାରୀମାନେ ସାମୂହିକ ଛୁଟିରେ ଯାଉଛନ୍ତି। କିନ୍ତୁ ଏହାର ପ୍ରଭାବ କୌଣସି ରାଷ୍ଟ୍ରାୟତ ଓ ଘରୋଇ ବ୍ୟାଙ୍କ ଉପରେ ପ୍ରଭାବ ପକାଇବ ନାହିଁ। ତେଣୁ ଏହି ଦୁଇଦିନ ବ୍ୟାଙ୍କ ଖୋଲା ରହିବ।”
ସୂଚନାଯୋଗ୍ୟ, ସେପ୍ଟେମ୍ବର ପହିଲା ଶନିବାର ଦିନ ବ୍ୟାଙ୍କ ଯଥାରୀତି କାର୍ଯ୍ୟ କରିବ। ସେପ୍ଟେମ୍ବର ୨ ତାରିଖ ରବିବାର ବ୍ୟାଙ୍କ ଛୁଟି ରହିବ। ୩ ତାରିଖ ସୋମବାର ଜନ୍ମାଷ୍ଟମୀ ଓ ନନ୍ଦ ଉତ୍ସବ ଥିବାରୁ ଦେଶର କିଛି ସ୍ଥାନରେ, ବିଶେଷ କରି ଉତ୍ତର ଭାରତରେ, କିଛି ବ୍ୟାଙ୍କ ବନ୍ଦ ରହିବ। କିନ୍ତୁ ଓଡ଼ିଶାରେ ଜନ୍ମାଷ୍ଟମୀ ରବିବାର ପଡ଼ୁଥିବାରୁ ୩ ତାରିଖ ସୋମବାର ବ୍ୟାଙ୍କ ଖୋଲା ରହିବ। ପୁଣି ୮ ତାରିଖ ଦ୍ଵିତୀୟ ଶନିବାର ହୋଇଥିବାରୁ ସେଦିନ ବ୍ୟାଙ୍କ ବନ୍ଦ ରହିବ।
ତେବେ ସୋଶାଲ୍‌ ମିଡିଆରେ ଏହାକୁ ଭୁଲ ଭାବେ ଦର୍ଶାଯାଇ ସେପ୍ଟେମ୍ବର ମାସର ପ୍ରଥମ ସପ୍ତାହରେ ସବୁ ବ୍ୟାଙ୍କ ବନ୍ଦ ରହିବ ବୋଲି କିଛି ଲୋକ ପ୍ରଚାର କରୁଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos