ବରଗଡ଼(ଦୀପକ ଶର୍ମା): ଜମିବାଡ଼ି ବିବାଦ ନେଲା ସାଂଘାତିକ ରୂପ । ଉଜୁଡ଼ିଗଲା ସଂସାର । ବାପ-ପୁଅଙ୍କୁ କଟୁରୀରେ ହାଣି ହତ୍ୟା କଲେ ସମ୍ପର୍କୀୟ । ମୃତ୍ୟୁ ସହ ସଂଗ୍ରାମ କରୁଛି ବୋହୂ। ବରଗଡ଼ ଟାଉନ ଥାନା ଅନ୍ତର୍ଗତ ରୁହୁନି ଗାଁରେ ଗତକାଲି ଘଟିଛି ଏହି ବୀଭତ୍ସ ହତ୍ୟାକାଣ୍ଡ ।
ମୃତକଦ୍ୱୟ ହେଲେ ଦେବ ସିନ୍ଧିରିଆ ଓ ତାଙ୍କ ପୁଅ ରତନ ସିନ୍ଧିରିଆ । ଗୁରୁତର ଅବସ୍ଥାରେ ବୋହୂ ସୁକାନ୍ତି ସିନ୍ଧିରିଆଙ୍କୁ ବୁର୍ଲା ମେଡିକାଲରେ ଭର୍ତ୍ତି କରାଯାଇଛି। ଏହି କାଣ୍ଡ ଭିଆଇଥିବା ଅମିଲ ସିନ୍ଧିରିଆ ଓ କମିଲ ସିନ୍ଧିରିଆଙ୍କ ମଧ୍ୟରୁ ପୁଲିସ୍ ଅମିଲଙ୍କୁ କାବୁ କରିଥିବା ବେଳେ ଫେରାର ହେବାରେ ସକ୍ଷମ ହୋଇଛନ୍ତି କମିଲ ।
[caption id="attachment_729201" align="aligncenter" width="650"]
ଦୀର୍ଘ ଦିନ ହେଲା ଉଭୟ ପକ୍ଷ ମଧ୍ୟରେ ଜମିବାଡ଼ି ବିବାଦ ଲାଗି ରହିଥିଲା। ଗତକାଲି ଏହା ଉଗ୍ର ରୂପ ଧାରଣ କରିବାରୁ ଅମିଲ ସିନ୍ଧିରିଆ ଓ କମିଲ ସିନ୍ଧିରିଆ ଦେବଙ୍କ ସମେତ ତାଙ୍କ ପୁଅ, ବୋହୂଙ୍କୁ ମାରଣାସ୍ତ୍ରରେ ଅତର୍କିତ ଆକ୍ରମଣ କରିଥିଲ । ଘଟଣାସ୍ଥଳରେ ଦେବଙ୍କ ମୃତ୍ୟୁ ହୋଇଥିବା ବେଳେ ଗାଁ ଦାଣ୍ଡରେ ପଡ଼ିଛି ତାଙ୍କ ମୃତଦେହ।
ତାଙ୍କ ପୁଅ ବୋହୂଙ୍କୁ ଗୁରୁତର ଅବସ୍ଥାରେ ବରଗଡ଼ ମେଡିକାଲ ଓ ପରେ ବୁର୍ଲା ବଡ଼ ସ୍ଥାନାନ୍ତର କରାଯାଇଥିଲା । ସେଠାରେ ରତନଙ୍କ ମୃତ୍ୟୁ ହୋଇଥିବା ବେଳେ ମୃତ୍ୟୁ ସହ ସଂଗ୍ରାମ କରୁଛନ୍ତି ତାଙ୍କ ପତ୍ନୀ ସୁକାନ୍ତି । ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିବା ବେଳେ ଗାଁରେ ଉତ୍ତେଜନା ଲାଗି ରହିଛି।