ବିଚ୍‌ ରାସ୍ତାରେ ସ୍ୱାମୀର ବର୍ବର କାଣ୍ଡ; ପତ୍ନୀ ବେକରେ ଭିଡ଼ିଦେଲା ଗାମୁଛା

ବିଚ୍‌ ରାସ୍ତାରେ ପତିପତ୍ନୀଙ୍କ ମଧ୍ୟରେ ହେଲା ଘମାଘୋଟ ଉଚ୍ଚବାଚ । ଶେଷରେ ହିତାହିତ ଜ୍ଞାନ ହରାଇ ବସିଥିବା ସ୍ୱାମୀ ନିଜ ସ୍ତ୍ରୀ ବେକରେ ଗାମୁଛା ପକାଇ ତା’ ଜୀବନ ନେଲା।

Accused PhotoOR

ଅଭିଯୁକ୍ତ ସ୍ୱାମୀ।

Niharika Rout
  • Published: Tuesday, 31 January 2023
  • Updated: 31 January 2023, 01:06 PM IST

Sports

Latest News

ଦାମ୍ପତ୍ୟ କଳହ ନେଲା ଉଗ୍ର ରୂପ । ବିଚ୍‌ ରାସ୍ତାରେ ଉଭୟ ପତିପତ୍ନୀଙ୍କ ମଧ୍ୟରେ ହେଲା ଘମାଘୋଟ ଉଚ୍ଚବାଚ । ଶେଷରେ ହିତାହିତ ଜ୍ଞାନ ହରାଇ ବସିଥିବା ସ୍ୱାମୀ ନିଜ ସ୍ତ୍ରୀ ବେକରେ ଗାମୁଛା ପକାଇ ତା’ ଜୀବନ ନେଲା। ଏପରି ଲୋମଟାଙ୍କୁରା ଘଟଣା ବରଗଡ଼ ଜିଲା ଭେଡେନ ଥାନା ଅନ୍ତର୍ଗତ ଲୁପୁର ସିଂହାରେ ଆଜି ସକାଳେ ଘଟିଛି।

ଅଭିଯୁକ୍ତଜଣକ ହେଲେ ବରଗଡ ଟାଉନ ଥାନା ଅନ୍ତର୍ଗତ ବରାହଗୁଡାର ଗୁଡୁ ସିଂ । ନିଜ ଦ୍ୱିତୀୟ ପତ୍ନୀ ନୁରାଵତୀ ପେରାଙ୍କୁ ହତ୍ୟା ଅଭିଯୋଗରେ ଗାଁ ଲୋକେ ତାଙ୍କୁ କାବୁ କରି ପୁଲିସ୍‌ ଜିମା ଦେଇଛନ୍ତି।

Also Read

ଗୁଡୁ ସିଂ ନୁରାଵତୀଙ୍କୁ ଦ୍ୱିତୀୟ ବିବାହ କରିଥିବା ବେଳେ ଉଭୟଙ୍କ ମଧ୍ୟରେ କିନ୍ତୁ ସବୁବେଳେ ଝଗଡ଼ା ଲାଗି ରହୁଥିଲା। ଗତକାଲି ଉଭୟ ନୁରାବତିଙ୍କ ବାପ ଘର ଲୁପୁର ସିଂହାକୁ ବୁଲି ଯାଇଥିଲେ। ଆଜି ସକାଳୁ ସେମାନେ ସେଠାରୁ ଫେରୁଥିଲେ। ଉଭୟ ଚାଲି ଚାଲି ଯାଉଥିବା ବେଳେ ପୁଣି ଥରେ ସେମାନଙ୍କ ମଧ୍ୟରେରେ ଝଗଡ଼ା ଆରମ୍ଭ ହୋଇଥିଲା।

ଏଥିରେ ଗୁଡୁ କ୍ରୋଧିତ ହୋଇ ନିଜ ହିତାହିତ ଜ୍ଞାନ ହରାଇ ବସିଲେ। ଏହାପରେ ନିଜ ଗାମୁଛାରେ ନୁରାଙ୍କ ବେକକୁ ଭିଡ଼ି ଦେଇଥିଲେ। ଫଳରେ ଘଟଣାସ୍ଥଳରେ ନୁରାଙ୍କ ମୃତ୍ୟୁ ହୋଇଥିଲା।

ଏହାପରେ ଘଟଣାସ୍ଥଳରୁ ଗୁଡୁ ପଲାଇଯିବାକୁ ଉଦ୍ୟମ କରୁଥିବା ବେଳେ ଗ୍ରାମବାସୀ ତାକୁ କାବୁ କରି ଗୋଟିଏ ଗଛରେ ବାନ୍ଧି ଦେଇ ଉତ୍ତମ ମାଧ୍ୟମ ଦେଇଥିଲେ । ପରେ ପୁଲିସ ଘଟଣାସ୍ଥଳକୁ ପହଞ୍ଚି ଅଭିଯୁକ୍ତ ଗୁଡୁକୁ ଥାନାକୁ ନେଇ ପଚରାଉଚରା କରୁଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos