OR 
ବରଗଡ଼-ରାୟପୁର ୫୩ ନମ୍ବର ଜାତୀୟ ରାଜପଥର ସୋହେଲା କଲେଜ ପାଖରେ ଏକ ଟୁରିଷ୍ଟ ବସକୁ କଣ୍ଟେନରଟିଏ ପଛରୁ ଧକ୍କା ଦେବା ଯୋଗୁ ଜଣଙ୍କର ମୃତ୍ୟୁ ଘଟିଥିବା ବେଳେ ୭ ଜଣ ଆହତ ହୋଇଛନ୍ତି। ସମସ୍ତ ଆହତଙ୍କୁ ବୁର୍ଲା ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଛି।
ମୃତ ବ୍ୟକ୍ତିଙ୍କ ନାଁ ଅଶୋକ ଚିନ୍ଦୁଆର୍ଦେ ବୋଲି ଜଣାପଡ଼ିଛି।
ବସ୍ରେ ୪୫ ଜଣ ଯାତ୍ରୀ ଥିଲେ। ସେମାନେ ମହାରାଷ୍ଟ୍ରରୁ ଚାରିଧାମ ଯାତ୍ରାରେ ଆସିଥିଲେ। ପୁରୀ ଜଗନ୍ନାଥ ଧାମ ଦର୍ଶନ ସାରି ସେମାନେ ମହାରାଷ୍ଟ୍ର ଅଭିମୁଖେ ଫେରୁଥିଲେ।
Also Read
ସୋହେଲାରେ ଏକ ଢାବା ସମ୍ମୁଖରେ ଚା’ ପିଇବା ପାଇଁ ସେମାନେ ଅଟକି ଥିଲେ। କିଛି ଯାତ୍ରୀ ଚା’ ପିଉଥିବା ବେଳେ ଆଉ କିଛି ଯାତ୍ରୀ ବସ୍ରେ ବସିଥିଲେ। ଏହି ସମୟରେ ଏକ କଣ୍ଟେନର ଆସି ବସ୍ଟିକୁ ପଛ ପଟୁ ଧକ୍କା ଦେଇଥିଲା।
ବସ୍କୁ ଧକ୍କା ଦେବା ପରେ କଣ୍ଟେନର ଡ୍ରାଇଭର ଫେରାର ହୋଇଯାଇଥିଲେ। ସୋହେଲା ପୁଲିସ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
